Самсонов Владимир Парфеньевич
From Wikipedia, the free encyclopedia
Remove ads
Самсонов Владимир Парфеньевич — Аҕа дойду Улуу сэриитин кыттыылааҕа, саха учуонайа.
Remove ads
Олоҕун олуктара
1922 сыллаахха Александровское с. Ньурба улууһугар учууталлар Парфений Никитич уонна Надежда Евменьевна Самсоновтар дьиэ кэргэннэригэр төрөөбүт.
Дьокуускай 9 №-дээх орто оскуолатын бүтэрэн баран, 1940 сыллаахха Кыһыл Аармыйа кэккэтигэр ыҥырыллыбыт. Забайкальскай байыаннай уокурукка суолууспалаабыт. 1942 с. кууруска үөрэнэн атырдьах ыйыгар младшай лейтенант сыбаанньатын ылбыт уонна Волховскай фроҥҥа ыытыллыбыт. Миномет отделениетын хамаандалаабыт. Ленинград блокадатын устууга кыттыбыт, Новгороды, Наарваны уонна Эстонияны босхолоспут. Хорсун быһыытын иһин Кыһыл Сулус уордьанынан[1] уонна «Ленинград көмүскэлин иһин» мэтээлинэн наҕараадаламмыт.
Сэрии кэнниттэн СГУ физика-математика факультетын бүтэрбит.
1956 сыллаахтан космоһы чинчийии уонна аэрономия институтугар космос сардаҥаларын лабораториятыгар үлэлээбит. 1971 с. кандидат аатын көмүскээбит. 40-н тахса дьүкээбил уотун уонна магнитосфераны чинчийэр научнай үлэлэрин бэчээттэппит.
1989 сыл атырдьах ыйын 26 күнүгэр өлбүт.
Remove ads
Наҕараадалара
- Аҕа дойду сэриитин I ст. уордьана (06.04.1985)[2]
- Кыһыл Сулус уордьана (31.01.1944 )[1]
- «Ленинград көмүскэлин иһин» мэтээл (22.12.1942)
- «Үлэҕэ уһулуччутун иһин» мэтээл
- «Владимир Ильич Ленин төрөөбүтэ 100 сааһын бэлиэтээн» мэтээл
- «Үлэ бэтэрээнэ» мэтээл
Быһаарыылар
Өссө маны көр
Сигэлэр
Wikiwand - on
Seamless Wikipedia browsing. On steroids.
Remove ads