Саха кэскилэ

«Саха кэскилэ» (нууч. «Будущее якутов») — научнай-чинчийэр суолталаах уопсастыба Ураалы, Сибиири, уонна Уһук Илини чинчийэн үөрэтэр уопсастыба филиалын быһыытынан 1925 сыллаахха тэриллибитэ. Уопсастыба сүрүн соругунан ССРС Наукаларын Академиятын 1925-1930 сс. ыытар экспедициятыгар көмөлөһүү этэ.

«Саха кэскилэ» уопсастыба 3 сиэксийэнэн үлэлиирэ: устуоруйа, этнография уонна экономика. "Саха кэскилэ" уопсастыба барыта 5 хомуурунньугу бэчээттэн таһаарбыта.

1927-1928 сылларга "Саха кэскилэ" уопсастыба уонна ССРС Наукаларын Академията үс экспедицияны тэрийбиттэрэ: Бүлүүгэ зоолого-ботаническай (салайааччылар Воробьева К.Е., Тарабунин А.Я.); Хаатанга-Анаабыр (салайааччы Слепцов П.П.); Дүпсүн улууһугар этнографическай хабааннаах экспедициялар айаннаабыттара.

«Саха кэскилэ» уопсастыбаҕа үлэлээн кэлин биллэр-көстөр дьон буолбуттара: Сэһэн Боло, бырааттыы В.А. уонна М.А. Кротовтар, И.Д. Новгородов, Г.А. Попов, Е.Д. Стрелов уо.д.а.

1930 сыллаахха «Саха кэскилэ» уопсастыба "Саха АССР-ы чинчийэн үөрэтэр уопсастыбаҕа" холбоспута^[1].