Словения бэлиэ күннэрэ

Словения бэлиэ күннэрэ диэн үксүн аан дойду уонна итэҕэл туһунан (Христианство) бырааһынньыктар, атыттар — Словения бырааһынньыктара. Бырааһынньыктар үксүн Югославия хайдыытын кэннэ тэриллибиттэрэ (1991).

Бырааһынньыктар бастайааннай күннээх-дьыллаах (Пасха уонна Ытык троица күнэ ураты).

Бэлиэ күннэр тиһигэ

  — Өрөбүллэр

Словения бэлиэ күннэрэ

Күнэ-дьыла	Аата	Быһаарыы
Тохсунньу
Тохсунньу 1—2 күнэ	Саҥа Дьыл	Дьыл бастакы бырааһынньыка. 1955—2012 сылларга, тохсунньу бастакы уонна иккис күнэ өрөбүл этэ. Ол эрээри 2012 сылга бастакы эрэ өрөбүл буолбута. 2017 сыллаахха, Словения дьаһалтата иккистээн тохсунньу иккис күнүн өрөбүл оҥорбута[1].
Олунньу
Олунньу 8 күнэ	Прешерн күнэ	Сорумдьу кэтиллибит аата — Прешерн күнэ, Словения култууратын бырааһынньыга (словен. Prešernov dan, slovenski kulturni praznik). Бырааһынньык 1945 сыллаахха баар буолбута, 1991 сылтан өрөбүл буолбута[2].
Кулун тутар — Муус устар
—	Пасха
Муус устар
Муус устар 27 күнэ	Оккупация утары өрө туруу күнэ
Ыам ыйа
Ыам ыйын 1—2 күнэ	Үлэ күнэ
—	Ытык троица күнэ
Бэс ыйа
Бэс ыйын 8 күнэ	Примож Трубар күнэ	Бастакы словен тылынан кинигэлэр бэчээттээбит киһи — Примож Трубар (1508—1586) аатынан күн. 2010 сыддаахха баар буолбута[3].
Бэс ыйын 25 күнэ	Судаарыстыбынас күнэ	Социалистическэй Өрөспүүбүлүкэ Словения төрүллүбүт күнэ.
Атырдьах ыйа
Атырдьах ыйын 15 күнэ	Богородица успенията
Атырдьах ыйын 17 күнэ	Прекмурья ийэ дойдуну кытта холбоһуу күнэ	1919 сыллаахха, атырдьах ыйын 17 күнүгэр, Сербтар, хорваттар уонна словеннар хоруоллуга аармыйата Прекмурья региоҥҥа киирбитэ. Словеннарынан олохсуйбут региону Биэнгирийэттэн былдьаабыт күннэрэ.
Балаҕан ыйа
Балаҕан ыйын 15 күнэ	Приморье ийэ дойдуну кытта холбоһуу күнэ	Словения Приморьята Париж эйэлээх догобуурун түмүгүнэн Югославия састаабыгар киирбитэ.
Алтынньы
Алтынньы 31 күнэ	Реформация күнэ
Сэтинньи
Сэтинньи 1 күнэ	Өлбүттэр ытыктааһын күнэ
Сэтинньи 23 күнэ	Рудольф Майстер күнэ	Бырааһынньык 2005 сыллаахха тэриллибитэ. Рудольф Майстер этэрээттэрэ Мариборга былааһын ылбыттарын күнэ (1918)[4]. Онтон салтаан аныгы Словения сирдэрэ Югославия састаабыгар киирбиттэрэ.
Ахсынньы
Ахсынньы 25 күнэ	Ороһуоспа
Ахсынньы 26 күнэ	Тутулуга суох буолуу уонна биир ньыгыл буолуу күнэ	1991—2005 сылларга — Тутулуга суох буолуу күнэ[5]. Югославияттан тутулуга суох буолуу референдум күнэ.