Соҕуруу Судаан

Соҕуруу Судаан (ааҥл. South Sudan, динка Paguot Thudän), официальнай аата — Соҕуруу Судаан Өрөспүүбүлүкэтэ (ааҥл. Republic of South Sudan), — Африка дойдута, Джуба диэн куоракка кииннээх (киин куораты дойду үөһүгэр — Рамсель куоракка көһөрөр былааннаахтар^[1]).

Билэ:Южный Судан.png

Соҕуруу Судаан каартата

Соҕуруу Судаан сирэ хараҥа өҥүнэн, былдьаһыктаах сирдэр сырдык өҥүнэн көстөллөр

Илин өттүттэн Эфиопия, соҕуруу өттүттэн Кения, Уганда уонна Конго Демократтыы Өрөспүүбүлүкэтэ, арҕаа Киин Африка Өрөспүүбүлүкэтэ уонна хоту Судаанныын кирбиилэһэр; кыраныыссатын устата 6018 км. Иэнэ — 644 329 км². Судаантан арахсан баран байҕалга тахсыбат буолбута. Соҕуруу Судаан тутулуга суох буолуута 2011 сыл от ыйын 9 күнүгэр Тутулуга суох буолуу декларацията тахсыбытыгар бигэргэммитэ^[2]. 2011 сыл от ыйын 14 күнүттэн ХНТ чилиэнэ^[3].

Соҕуруу Судаан бэлиэ күннэрэ

• Ыам ыйын 16 — Дойду күнэ
• От ыйын 9 — Тутулуга суох буолуу күнэ