Namìbia

Sa Namìbia, ufitzialmente Repùblica de sa Namìbia (in inglesu Republic of Namìbia; in tedescu Republik Namìbia, in afrikaans Republiek van Namibië), est un'Istadu de s'Àfrica meridionale. Sa cale capitale est Windhoek, sa limba ufitziale s'inglesu, mancari a livell regionale sunt reconnotos su tedescu, s'afrikaans e s'oshiwambo.

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Bandera

Posidura in su mundu

Posidura in Africa

Cun una populatzione totale de unos 2.700.000 bividores e istèrrida cumplessiva de 825 418 km², sa Namìbia si còllocat a sa segunda posidura (a pustis de Mongòlia) intre is istados soberanas in su mundu cun sa densidade de populatzione minore (3,3 biv/km²). Allàcanat in su norte cun s'Angola e su Zàmbia, in estu cun su Botswana e in sud cun su Sudàfrica; is ovest s'acarat in s'Otzèanu Atlànticu. Manna parte de su territòriu est costituidu dae sas iscampiaduras àrridas de su desertu de su Namib e de su Kalahari. Su nùmene de Namìbia, chi derivat de su desertu de su Namib, àrea ampra chi caraterizat manna parte de su paisu, e chi est istadu seberadu che a ètimu neutrale pro evitare cuntierras intre sas etnias vàrias.

Est una de is natziones prus giòvanas de su continente africanu, sende chi at otentu isceti in su 1990 s'indipendèntzia dae su Sudàfrica, de su cale fiat amministrada. Dae su 1884 a su 1919 est istada colònia de s'Impèriu tedescu cun su nùmene de Deutsch-Südwestafrika. A pustis de sa prima gherra mundiale at fatu parte de s'Impèriu britànnicu a s'internu de s'Unione sudafricana fintzas a su 1961 pro divènnere a fatu, fintzas a s'indipendèntzia, una provìntzia de sa Repùblica Sudafricana.

S'economia namibiana est acapiada a forte (e pro unos cantos aspetos simigiante) a sa de su Sudàfrica. Sa faina econòmica printzipale est sa bogadura de minerales, chi contribuit pro unu 20% a su PIB natzionale. Sa Namìbia est su de bator prus esportadores africanos importantes de minerales non combustìbiles, e su de chimbe produtores de uràniu in su mundu. Una parte importante de sa bogadura minerària pertocat, paris a in su Sudàfrica, is diamantes; unas àteras produtziones importantes sunt is de prumu, ferru, zingu, prata e tungstenu.

Cun totu ca su rèditu peròmine siat in Namìbia chimbe bortas su de is paisos prus pòberos de Àfrica, sa majoria de sa populatzione si bidet in poberesa pro neghe de su disimpreu mannu, de sa disugualidade in sa partzidura de sa richesa, e de sa cantidade manna de capitales chi sunt inbestidos in s'èsteru.

Àteros progetos