Peter Eisenman
From Wikipedia, the free encyclopedia
Peter Eisenman (Newark, 11 de austu 1932) est unu architeto e istoricu de s'architetura americanu (USA).
Articulu in logudoresu
Eisenman at leadu sa laurea in Architetura in sa Cornell University, unu master in Architetura in sa Columbia University, e unu Master of Arts e unu Ph.D. a s'Universidade de Cambridge. Eisenman in dies de oe insinzada teoria e progetazione in sa Yale School of Architecture.
Issu at sempr'appidu relatziones culturales istrintas cun intellettuales europeos, comente s'inglesu Colin Rowe e s'italianu Manfredo Tafuri, s'architetura sua est poi influenzada dae su pensamentu de sos filosofos Friedrich Nietzche, Noam Chomsky e Jacques Derrida. Eisenman ind'unu primu tempus fit notu pro essere unu de sos New York Five, chimbe architetos (Eisenman, Charles Gwathmey, John Hejduk, Richard Meier, e Michael Graves), chi aiana espostu sos trabaglios issoro in su 1967 in su MoMA de sa tzitade. Sos trabaglios de sos chimbe architetos tando fini istados cunsiderados comente una interpretatzione noa de sas bideas de Le Corbusier. Ma ogniunu de sos chimbe at poi sighidu un'istrada sua, Eisenman si fit accotziadu a su movimentu decostruttivista. Peter Eisenman est istadu finas editore de su giornale Opposition (1973-1984) e de sa Opposition Books.
S'idea de un'autonomia de sa fromma dae sas secustantzias istoricas est sa rejone pruite Eisenman est istadu ligadu meda a Aldo Rossi, finas si sos resultados fini medea differentes. In pius sa idea de architetura de s'architeto americanu est ligada a sa connoschentzia e a s'istudiu de Giuseppe Terragni.