Sint Maarten

Sint Maarten est una natzione costitutiva de su Regnu de sos Paisos Bàscios chi nde cumprendet unas àteras tres: sos Paisos Bàscios e sos istados caraìbicos de Aruba e Curaçao. Su territòriu est costituidu dae sa parte meridionale de s'ìsula de Saint Martin, posta in su sud de su Mare Caraìbicu. Tenet istèrrida de 37 km² e contat unos 36.610 bividores. Su cabulogu est Philipsburg.

Artìculu in LSC

Bandera

Mapa

Posidura in su mundu

Sint Maarten làcanat in su norte cun Saint-Martin, una colletividade ultramarina dipendente dae sa Frantza, su cale territòriu costituit sa parte setentrionale de s'ìsula.

Su Regnu de sos Paisos Bàscios si movet che natzione unitària in matèria de defensa, polìtica èstera e tzitadinàntzia, mentras Sint Maarten, cale natzione costitutiva, faghet comente natzione indipendente pro totu sas àteras matèrias (a esèmpru internos, sanidade, istrutzione e trasportos).

Sende chi sa cunditzione de sa parte frantzesa est cambiada in colletividade ultramarina in su 2007, a fatu de s'assignatzione in su santugaine de su 2007 de su còdighe ISO 3166-1 MF a sa metade frantzesa de s'ìsula, sa parte olandesa at retzidu su còdighe ISO 3166-1 SX.

Sint Maarten, paris a Curaçao, impreat totora che moneda su Florinu de sas Antillas Olandesas, moneda agantzada a su Dollaru istadunidensu cun càmbiu fissu.

Àteros progetos