Costera

Sa Costèra (in italianu Goceano) est una regione istòrica de sa Sardigna tzentru-setentrionale, chi s'agatat in sa provìntzia de Tàtari.

Artìculu in LSC

Posidura de sa regione de Sa Costera in sa mapa de sa Sardigna

Tenet istèrrida de 480 km² e pobulatzione de unos 13.000 bividores, partzidos intre de is comunas de Anela, Benetùti, Bono, Botidda, Isporlatu, Illorai, Nule, Su Burgu, Urtei.

Sa Costera est formada de unu tretu de su lutone superiore de su frùmene Tirsu, a fache de chi s'incarat sa cadena montosa chi dat su nòmine a sa regione etotu, in ue s'agatant is montes Rasu (1259 m) e su pitzu Masiennera (1157 m).

Is fainas printzipales de sa zona sunt sa massaria, su pastoriu e s'isfrutu de is risursas de is padentes.