Otzèanu Antàrticu

S'Otzèanu antàrticu, naradu fintzas Otzèanu australe^[1], otzèanu Meridionale^[2] o Otzèanu glatziale antàrticu, segundu su cuntzetu anglosàssone est s'imparis de mares chi inghìriant su continente antàrticu prus a sud de sa largària 60° S.

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

S'Otzèanu Antàrticu in sa mapa

Tirat a 20 728 000 km² cun fundu màssimu de 7 235 m. Est situadu in s'emisfèriu australe e inghìriat s'Antàrticu isporghende fintzas a largària, formalmente definida in su 2000 dae s'Organizatzione Idrogràfica Internatzionale, de 60° S, ultres de sa cale s'agatant s'otzèanu Patzìficu, s'otzèanu Atlànticu e s'otzèanu Indianu (movende de s'emisfèriu otzidentale e andende dae ovest cara a est).

Chi si cunsìderant is otzèanos de sa Terra chimbe, e non tres comente de costumadu in Itàlia^[3], s'Antàrticu est su prus meridionale de sa Terra e su bator pro tirada. In Itàlia e in unos àteros Paisos sa zona de mare a giru a giru de s'Antàrtide no est cunsiderada un'otzèanu a berus, ma costituit is estremos meridionales de is otzèanos Atlànticu, Indianu e Patzìficu. Atualmente sa bàlida de su mare Antàrticu, prus chi non geogràfica, est geopolìtica, a sos fines de s'isfrutu suo, resone pro chi sa làcana sua setentrionale (largària 60° S), currespondet a paràmetros fissados dae su tratadu Antàrticu.