Protestas in Bielorùssia de 2020

Is protestas in Bielorùssia de su 2020, naradas fintzas rivolutzione de sas sabatas^[1][2][3][4], sunt una sèrie de manifestatziones populares in cursu contra su guvernu bielorussu e su presidente Aljaksandr Lukašėnka, in càrriga dae su 20 de trìulas 1994 e torradu a elèghere pro su de ses mandados sighidos durante sas eletziones presidentziales de su 9 austu 2020. Is acusas de corrutzione in su guvernu e su refudu de adotare medidas de seguresa pro sa pandèmia de COVID-19, ant dadu inghitzu su 24 de maju de su 2020 a una sèrie protestas in sa capitale Minsk^[5], chi si sunt a pustis difùndidos in totu su paisu e inaspressidas a fatu de s'arrestu de su bancheri e oposidore Viktar Babaryka e de su blogger Sjarhej Cichanoŭskij^[6].

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Prostestas in MInsk su 16 de austu 2020

Is protestas sunt istadas reprimidas cun sa violèntzia in prus furriadas, causende a su nessi 5 mortos^{[7][8][9][10][11]}, chentinas de feridos intre is manifestantes^[12], 50 persones sunt isparèssidas^[13], 450 casos de tortura e maltratamentos de presoneris (segundu unu raportu de s'Artu commissariadu de is Natziones Unidas pro sos deretos umanos^[14]), annotamala casos de abusu sessuale e violadura, e prus de 12.000 arrestos^[15][16], e sa cundenna de is repressiones violentas a banda de s'Artu commissàriu pro is deretos umanos de s'ONU^[17][18] e numerosas àteras figuras istitutzionales e su mancadu reconnoschimentu de is resurtados ufitziales de sas eletziones a banda de s'Unione Europea^[19], de sa majoria de sos istados membros suos, de sos Istados Unidos de Amèrica^[20], de su Regnu Unidu^[21] e de su Cànada^[22]