Àsia sud-orientale

S'Àsia Sud-orientale, fintzas connota che Àsia de su sud-estu o sud-est asiàticu, est una subregione de s'Àsia cumposta dae sos istados postos geograficamente a su sud de Cina, a s'estu de Ìndia e su norte de Austràlia. S'àrea s'agatat a sa rughe de placas tetònicas chi pròvocant un'arta atividade sìsmica e vulcànica.

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Mapa de s'Àsia sud-orientale

Zonas geogràficas

S'Àsia Sud-orientale est costituida dae duas zonas geogràficas diferentziadas: sa zona continentale e s'imparis de arcos vulcànicos e artzipèlagos in s'estu e in su sud-estu.

Sa zona continentale, a sa penìsula de Indotzina, est cumposta dae Cambògia, Laos, Myanmàr, Tailàndia, su Vietnàm e sa Malaìsia otzidentale e in ue sa religione printzipale est su buddhismu, sighidu dae su confutzianèsimu.

Sa parte marìtima incluet sa Malaìsia orientale, Brunei, su Timor Orientale, Indonèsia, Filipinas e Singapore e sa populatzione sua est pro sa majoria islàmica ma fintzas cristiana.

Istadu	Tirada (km²)[1]	Populatzione (2009 ist.)[2]	Densidade (/km²)	Capitale
Brunei	5.765	400.000	69,4	Bandar Seri Begawan
Myanmar	676.578	50.020.000	73,9	Naypyidaw
Cambògia	181.035	14.805.000	81,8	Phnom Penh
Timor Orientale	14.874	1.134.000	76,2	Dili
Indonèsia	1.904.569	229.965.000	120,7	Giacarta
Laos	236.800	6.320.000	26,7	Vientiane
Malaìsia	329.847	27.468.000	83,3	Kuala Lumpur
Filipinas	300.000	91.983.000	306,6	Manila
Singapore	710,2	4.987.600[3]	7.022,8	Tzitade de Singapore
Tailàndia	513.120	67.764.000	132,1	Bangkok
Vietnam	331.210	88.069.000	265,0	Hanoi