Videojòcu

Su videojocu est unu jòcu chi funtzionat pro mèdiu de unu istrumentu elettronicu, chi impreat una interfaccia omine-macchina e unu ischermu che sistema de output. Si li narat fìntzas, chind unu ingresìsmu, videogame, mancari chi su faveddu currettu in limba inglesa siat video game. Chie fàchet imprèu de videojòcos si narat "videojocadòre" e, pro jocare, si podet serbìre de perifèricas comente a su joystick, sa tastèra e gòi sichìnde.

Articulu in nugoresu

Su videojocu est nàschiu in sos annos Chimbànta, a su cumìntzu pro chìrcas issientìficas, ma si at isvilupàu a prenu dae sa secunda meitàde de sos annos Settanta in sùsu.

Dae sos annos Novanta in sùsu, s'industria de videojocos at tèntu sèmper prus impòrtu: in su 2006, adderettùra, pro sa prima bìa in istòria at brincàu pro volùmene de affares s'industria musicale.

Edade de sos jocadores

Sa fàsca anagrafica de sos chi si pònen a jocare est tra sos sèichi e bintinòve annos, mancàri chi in carchi istadu, comente in su Rennu Unìu, s'edade mediana siat meda prus arta, de cada manèra lompènde a unu massimu de barantanòve annos; in s'istadu italianu est de bintòtto annos.

Oje in dìe, pèri su mundu b'at unos 145 milliones de pessònes chi videojòcan.

Zenìas de videojòcu

• Videojocu de abbentura (Adventure)
  • Abbentura de testu (Textual adventure)
  • Abbentura grafica (Graphical adventure game o Point-and-click)
    • Abbentura a diapusitivas (Slide-show adventure o Myst-like adventures)
    • Fughe dae s'istantzia (Escape the room)
  • Abbentura dinamica (Action adventure)
  • Alternate reality games
  • Survival horror

OpenArena, unu isparatòttu in prima pessòne tìpicu chi si bàsat in supra de sa lestrèsa de atziòne.

Battle for Wesnoth, unu videojòcu de tràma a mòtas tìpicu chi si bàsat in supra de s'arrejonamèntu.

• Videojocu de atzione: (Action)
  • Videojocu a piattaformas (Platform)
  • Beat 'em up
    • Beat 'em up a iscurrimèntu
    • Beat 'em up a atobios
  • Isparatottu (Shoot 'em up)
    • Isparatottu in prima persone (First Person Shooter – FPS)
      • Isparatottu in prima persone tatticu (First Person Tactical Shooter – FPTS)
    • Isparatottu in tertza persone (Third Person Shooter – TPS)
    • Isparatottu chin light gun
  • Splatter Game
  • Videojocu stealth

• God game
  • Finghidore de bida (Life simulation game oppuru Sim game)

• Videojocu musicale
  • Videojocu de ballu
  • Videojocu de cantu
  • Videojocu de dìllu

• Videojocu a dìmandas

• Videojocu de puzzle (Puzzle game)

• Videojocu de rolu (Role Playing Game - RPG, oppuru Computer Role Playing Game – CRPG)
  • Action RPG
  • Videojocu de rolu a sa giapponesa (Japanese Role Playing Game – JRPG)
  • Videojocu de rolu online
    • MMORPG (Massively Multiplayer Online Role Playing Game)
    • MUD (Multi-User Dungeon o Multi-User Dimension)
    • MUSH (Multi-User Shared Hallucination)
    • MOO (MUD Object Oriented)

• Videojocu de finghidura (Simulation video game)
  • Finghidore de bolu
  • Finghidore de ghia
  • Atteros finghidores, comente a cussu pro sos trenos, e goi sichinde.
  • Erogame

• Videojocu isportivu
  • • Videojocu de fubalu
    • Videojocu de ghia
    • Atteru isport: atletica, golf, hockey, ippica, tennis, e goi sichinde.

• Videojocu de trama
  • Videojocu de trama a tempus reale (Real Time Strategy – RTS)
  • Videojocu tatticu a tempus reale (Real Time Tactics – RTT)
  • Videojocu de trama a motas (Turn Based Strategy – TBS)

• Videojocu de educassiòne (Edutainment)
  • • Videojocu de impàru
      • Videojocu matematicu
      • Videojocu grammaticale e ortograficu
  • Videojocu de esertzìssios (Exergaming)
  • Serious game