Lingua greca muderna
From Wikipedia, the free encyclopedia
Lu grecu mudernu, 'n manera cchiù giusta niugrecu ('n grecu mudernu Νέα Ελληνικά o Νεοελληνική, sturicamenti canusciutu macari comu Ρωμαίικα) è l'ùrtimu stadiu di lu prucessu evulutivu di la lingua greca, oi parrata nti lu munnu di circa 15,5 miliuna di cristiani, suprattuttu nti la Grecia e a Cipru, oltri nti tutti l'àutri paisi unni li grechi anu jutu comu migranti (spiciarmenti Australia e Stati Uniti).
Grecu mudernu (Ελληνικά) | |
---|---|
Parratu 'n: | Grecia, Cipru, Grecia Salintina e àutri paisi di migrazziuni greca (suprattuttu Australia e Stati Uniti) |
Classìfica: | - |
Famigghi linguìstichi: | Lingui indoeuropei Grechi |
Classificazzioni | |
ISO 639-1 | el |
ISO 639-2 | gre; ell |
SIL | GRK |
'N manera cunvinziunali s'accumincia a parrari di grecu mudernu a pàrtiri di la cascata di lu Mperiu Bizzantinu nti lu 1453 ppi manu di li Turchi.
Ppi assai tempu la lingua hà campatu nti na forma di diglussìa, ccu diversi dialetti parrati a liveddu lucali e riggiunali, anzèmmula a formi arcàichi di grecu. Nti lu mentri di li sèculi XIX e XX fu pruvata la ntruduzzioni di la Katharevousa, na varianti arcaicizzanti e purista, 'n sustituzzioni di lu dimòticu, la furma di grecu parrata di la megghia parti di lu pòpulu. Stu tintativu nun appi successu e si mantinni di lu dimòticu.
Oi, lu grecu mudernu standard, lingua ufficiali sia 'n Grecia ca a Cipru è basata supra lu dimòticu.
Oji esistunu varii dialetti di lu neogrecu: critisi, cipriota, ponticu e autri ancora.