Numinclatura binumiali
From Wikipedia, the free encyclopedia
La numinclatura binumiali, o numinclatura binomia, è na cumminzioni "standard" utilizzata ntâ sistimàtica pi dari lu nomu pi na speci. Comu suggirisci lu tèrmini binumiali, lu nomu scintìficu di na speci veni fattu di na cumminazzioni di dù noma:
- Lu nomu dû gèniri a cu apparteni la speci
- N'epitetu chi carattirizza e distingui dda speci di l'àutri appartinenti a ddu gèniri.
![abbiccidariu](http://upload.wikimedia.org/wikipedia/commons/thumb/9/9a/Nuvola_apps_kmessedwords.png/18px-Nuvola_apps_kmessedwords.png)
Lu primu tèrmini (nomu ginèricu) porta sempri la nizziali maiùscula, mentri lu secunnu tèrmini (nomu spicìficu) veni scrittu n minùscula; tutti li dui noma vannu nortri scritti 'n cursivu (Asempiu Homo sapiens). Quannu lu gèniri fu prima trattatu ntô testu o quannu foru già alencati quarchi speci di ddu gèniri, lu nomu ginèricu pò èssiri accurzatu câ sò littra nizziali (H. sapiens) ma nun havi mai a èssiri livatu. Sulu 'n rari accasioni st'abbriviazzioni veni usata cumunimenti ô postu dû nomu cumpretu. P'asempiu lu batteriu Escherichia coli veni spissu nnicatu sulu comu E. coli.