2025

Lu 2025 (MMXXV a nùmmaru rumanu) è n'annu dû XXI sèculu.

Anni: 2019 - 2020 - 2021 - 2022 - 2023 - 2024 - 2025 - 2026

Dicini: 1990ini - anni 2000 - anni 2010 - anni 2020

Sèculi: Sèculu XX - Sèculu XXI - Sèculu XXII

Abbinimenti

• 20 di jinnaru: a Washington ci fu la Cirimonia di nvistitura pi lu 47esimu prisidenti dê Stati Uniti Donald Trump
• 19 di jinnaru, a Gaza lu statu di Israeli e lu Hamas si misiru d'accordu pi na tregua cu scanciu di ostaggi israelinai contra prigiunieri palistinisi
• 26 di jinnaru, a Melbourne lu jucaturi di tennis italianu Jannik Sinner vinciu pi la secunna vota consecutiva lu turneu di l'Australian Open
• 7 di maiu: Birlinu: ô secunnu tintativu Friedrich Merz utteni la fiducia ô Bundestag comu Cancilleri dâ Ripùbbrica Fidirali di Girmania
• 7 di maiu: Boca Chica: La compagnia Space X di Elon Musk lanciau pi la nona vota nu prototipu dû razzu Starship ca espludiu doppu aviri agghicatu ntô spazziu. Na virsioni futura di stu razzu avissi a purtari l'òmini supra la luna tra na para d'anni

• 

  L'attaccu israelinau a Teheran.

  13 di giugnu: Teheran: Israeli bummiau lu tirritoriu iranianu nti vari banni distruennu basi pi l'arrichimentu di l'uraniu e ammazzannu diversi diriggenti dû riggimi. L'Iran arrisapunniù cu missili contra lu tirritoriu di Israeli
• 20 di giugnu: la stidda V462 Lupi si trasfurmau nti na nova, agghicannu a na magnitudini di 5,5, chi veni a diri visibbili senza binòculu
• 30 di giugnettu: a Petropavlovsk-Kamčatskij nu tirrimotu di magnitudini 8,8 dâ scala Richter ô làricu dê costi dû Kamčatka, causau nu tsunami ca s'abbattiu nti vari banni di l'Oceanu Pacificu sittintruionali, e n paerticulari nti l'isuli Kurili unni fici danni.
• 8 di austu: a Washington n prisenza dû prisidenti miricanu Donald Trump l'Armenia e l'Azerbaigian firmanu nu trattatu di paci.
• 12 di austu: a Budapest ntô sàutu cu l'asta, Armand Duplantis stabbilisci lu record dû munnu cu 6,29 metri, quarchi simana doppu mighiurata a 6,30.
• 15 di austu: a Anchorage lu prisidanti dâ Russia, Vladimir Putin, ncuntrau lu prisidenti miricanu Donald Trump pi na discussioni supra la guerra n Ucraina, câ spiranza d'agghicari prestu â paci.
• 31 di austu: a Kabul nu tirrimotu di ntinsità 6 dâ scala Richter fa assai danni e cintinara di morti nti l'Afganistan orientali.
• 15 di sittèmmiru: a Tokyu nti lu sàutu cu l'asta, Armand Duplantis stabbilisci nu record novu sautannu a la autizza di 6,30 metri

Morti

• 7 di jinnaru: Jean-Marie Le Pen, òmunu puliticu francisi
• 13 di aprili: Mario Vargas Llosa, premiu Nobel pâ littiratura
• 21 di aprili: Papa Franciscu
• 23 di maiu: Sebastião Salgado, futògrufu brasilianu
• 2 di sittèmmiru: Emiliu Fedi, giurnalista televisivu
• 4 di sittèmmiru: Giorgio Armani, mprinnituri ntô campu dâ moda
• 9 di sittèmmiru: Stefano Benni, scritturi italianu
• 1º di uttùviru: Jane Goodall, primatòluga ngrisi