Acquariu

N'acquariu è un cuntinituri chinu d'acqua ca si usa pi mittìricci chianti e armali nun tirrestri. Nta l'acquari, l'appassiunati di acquariufilìa, ci ponnu mèttiri pisci, mmirtibbrati, anfibbi e rèttili acquatici.

Di sòlitu, i matiriali di custruzzioni sunnu u vitru o plexiglas. U primu è cchiù risisitenti ê sgaggiatini, mentri u sicunnu ê botti, puru si si sgaggia cchiù fàcili.

L'acquari varìanu assai pi grannizzi, passanu di chiḍḍi chiamati "nanu-acquari" di picca litri, nzinu a l'acquari pùbblici ca ponnu cuntèniri miliuna di litri d'acqua

Storia

Robert Warington, chìmicu, ntô 1850 scammintau ca mittennu chianti pi prudùciri ussìgginu, era pussìbbili mantèniri n'ecusistema puru cu l'armali ḍḍa intra. Phili Henry Gosse ntô 1853 allura armau u primu acquariu pùbblicu, scrivènnuci macari un manuali, e di tannu a curtura di l'acquariufilìa si spannìu.