Enricu IV di Francia

Enricu IV di Francia, muntuvatu puru lu Granni (13 di dicèmmiru 1553 – 14 di maiu 1610) fu re di Francia dâ dinastia dî Burboni. Re di Navarra ntô 1572, diventa re di Francia â morti dû cuginu Enricu III, lu 2 di austu 1589, ca lu disignau comu succissuri. Abiura lu prutistantesimu lu 25 di giugnettu dû 1593 pi essiri cunsacratu â cattiddrali di Chartres lu 27 di frivaru dû 1594. Mori ammazzatu lu 14 di maiu dû 1610.