Bèlici

Lu Bèlici o Bilìci secunnu la dinominazzioni storica è nu ciumi dâ Sicilia uccidintali, ca duna lu nomu â vaḍḍi umònima.

La carta dâ valli dû Bèlici.

Nnâ crònaca di l'ùrtimi dicenni addivintau tristimenti famusu pû tirrìbbili tirrimotu dû 15 di jinnaru dû 1968. Doppu dî fatti midiatici dû tirrimotu, a prununzia dû so nomu fu canciata 'rruniamenti dî giurnalisti italòfuni di Bilici (Belìce) a Bèlici (Bèlice). L'accentu sdrùcciulu (gràficu e funèticu), ncapu â tirz'ùrtima sìllabba s'àvi nfatti a cunzidirari n'usu sbagghiatu filologgicamenti. La cupirtura midiatica dû tirrimotu fu accussì massiccia cu la dinominazioni canciata, ca ê jorna nostri la nova dinominazzioni Bèlici è maggiuritaria.

Lu bacinu idrugraficu

Lu Belici havi nu bacinu idrugraficu di 964 km², unu dî cchiù granni dâ Sicilia. Lu ciumi traversa li tirritoria di tri pruvinci : Agrigento, Palermo e Trapani, e n particulari li cumuna di Piana degli Albanesi, Bisacquinu, ¨Campofiorito, Camporeale, Contessa Entellina, Corleone, Menfi, Montevago, Sambuca di Sicilia, Santa Margherita Belice, Partanna, Salaparuta, Poggioreale e Castelvetrano.