Burrasca

La burrasca è nu timpurali chi spissu si manifesta cu forti venti e pricipitazzioni e macari li trona. Spissu si tratta di na timpesta passaggera. Stu tèrmini si pò rifiriri a l'acqua chiuvuta spicificamenti, chi pò èssiri o na scarramata d'acqua o puru n'acquazzola, cu o senza trona.

Nta certi banni dî pruvinci di Catania e Missina s'attròvanu li formi burrascata e burraschiata chî stissi significati, cchiù o meno.

Stu tèrmini si usa figurativamenti videmma, p'asempiu, pi discrìviri na disgrazzia o na svintura.

Sprissioni

• «burrasca furiusa picca dura» – usata â littra e figurativamenti,
• «pacenzia cci voli a li burrasca; nun si mancia meli senza muschi» – li vantaggi si porta a bon fini a prezzu di sacrifici.

Talìa puru

• Acqua (chiuvuta)
• Nùvula
• Timpesta (marina)
• Timpesta (terra)

Rifirimenti

• Camilleri, Salvatore (1998) Vocabolario Italiano Siciliano, Edizioni Greco, Catania.
• Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.