Caparezza

Caparezza, pseudònimu di Michele Salvemini (Molfetta, 9 di uttùviru 1973) è un cantanti rapper.

St'artìculu s'havi a wikificari. La prisintazzioni gràfica, l'assenza di paràgrafi, di liami versu àutri artìculi, o lu linguaggiu eventuarmenti nun niutrali abbisògnanu di siri curriggiuti. Siddu aviti tempu cuntribbuiti a migghiurari la qualità di l'artìculu. Eventuarmenti putiti sirvìrivi dî cunzigghi chi truvati ccà.

Caparezza nta nu cuncertu ntô 2008

Biografia

Caparezza, ca ntâ rialitati si chiama Michele Salvèmini, è figghiu di na maestra e di n'operàiu ca sunava nta nu gruppu musicali, Micheli accuminciau a sunari quann'era picciriddu. Studiau comu raggiuneri all'Istitutu Tecnicu di Molfetta, anchi s'iddu vulìa fari lu fumettista. Doppu lu diploma, abbannunau la scola di Milanu e si misi a fari mùsica. Doppu na avvintura artistica tinta, cû nomu di Mikimix, riturnau a Molfetta e si misi a scrìviri mùsica, si fici crìsciri li capiddi e lu pizzettu e canciau lu so' nomu n: Caparezza, ca significa n puglisi: testa rizzuta. Dopu nu primu discu ntô 2000, ca si chiama: CapaReazza?!, lu successu arriva cû secunnu, ca s'intitulava: Verità Supposte (2003). La canzuna cchiù famusa di ddu discu, sicuramenti fu: Fuori dal Tunnel. Doppu tri anni nesci nu novu discu, cû nomu: Habemus Capa. Unni lu cantanti faci la finta di jèssiri mortu. Ntô 2008, nesci Le Dimensioni Dl Mio Caos, ca sarìa la culonna sunora dû terzu tomu dû primu libbru di Caparezza, ca si chiama: Saghe Mentali. Lu discu nfatti veni difinutu dû cantanti, lu primu fonuromanzu. Ntô 2011 niscìu l'ùrtimu so' discu "Il Sogno Eretico", e doppu si mpignau cu assai cuncerti e tour pi l'Italia.

Discugrafìa

• Ntô 2000 Caparezza?!
• Ntô 2003 Verità supposte
• Ntô 2006 Habemus Capa
• Ntô 2008 Le dimesioni del mio caos
• Ntô 2011 Il Sogno Eretico
• Ntô 2014 Museica
• Ntô 2017 Prisoner 709
• Ntô 2021 Exuvia

Bibblugrafia

• Ntô 2008 Saghe mentali

Lijami di fora

• Situ ufficiali