Cungressu di Vienna

Lu Cungressu di Vienna fu na cunfirenza chi si tinni ntî la cità omonima, all'èbbica capitali di lu mpiru austriacu, dû primu di uttuviru dû 1814 ô 9 di giugnu dû 1815. Ci participaru li putenzi europei di l'ebbica, cu l'obbiettivu di ridisignari la carta di l'Europa e ripristinari l'Ancien régime doppu li scunvurgimenti appurtati dâ rivoluzzioni francisi e dî guerri napulionichi. Cû Cungressu di Vienna si grapi chidda chi veni difinuta comu l'età dâ Ristaurazzioni.