Cunigghiuni

Cunigghiuni (o Curliuni nta àutri parrati siciliani) è nu paisi ca s'attrova a 57 chilòmitri di Palermu a 542 metri supra lu liveddu di lu mari.

Chiossai nfurmazzioni Nomu ufficiali:, Riggiuni: ...

Cunigghiuni


Muttu: Animosa Civitas
Nomu ufficiali:	Corleone
Riggiuni:
Pruvincia:	Palermu (PA)
Cuurdinati:	37°49'N, 13°18'E Ammustra ntâ mappa
Superfici:	229,12 km²
Abbitanti:	11.324
Dinzitati:	49 ab./km²
Cumuni cunfinanti:	Busacchinu, Campufilici di Fitalia, Campuciurutu, Chiusa Sclafani, Cuntissa, Gudranu, Menzujusu, Murriali, Palazzu Adrianu, Prizzi, Roccamena
CAP:	90034^[1]
Prifissu telefònicu:	+091
Situ ufficiali:	http://www.comune.corleone.pa.it/

L'urìggini di Cunigghiuni si pèrdunu ntî tèmpura e arrisàlunu a lu primu pirìudu di lu neolìticu, ammeri ê sei/setti millanni a.C.; tracci di tanti nzidiamenti s'attruvaru di quannu li primi gruppi umani vìnniru ntî l'ìsula: Sicani, Elimi e Finici
Si chiamò Schera ntî l'èbbichi antichi (agghiri a vintitrì sèculi arredi) e di idda nni parrò Ciciruni, Cluveriu e Tulumeu e, sicuramenti, s'àppi a picàrisi a li rumani ntî l'èbbica di la secunna guerra punica.
Ntô 1080 vinni cunquistata di li Nurmanni e ntô 1095 fu ncurpurata a la diòcisi di Palermu; doppu cint'anni fu ncurpurata a la nova diòcisi di Murriali.
Ntô XIII sèculu lu mpiraturi Fidiricu II, dipurtò li mussurmani a Lucera n Pugghia, mentri ca ntî la citati cci purtò na culònia di Lummardi.

Ntî la la rivuluzzioni dû Vèspiru la citati s'aribbillò, nzèmmula cu Palermu, cuntra a l'Angiuini, ca furu assicutati di l'ìsula.

Ntra lu 1440 e lu 1447 la curuna spagnola si vinnìu la citati e li sò privileggi a tanti signuri feudali, Fidiricu Vintimigghia, li Chiaramunti, e àutri: chistu purtò a nu forti dicadimentu ecunòmicu e suciali.

Carlu V, quannu a lu 12 di jinnaru dû 1556 lu jìu a visitari, ci dunò lu tìtulu di "Animosa Civitas", picchì nta tutti li guerri ca s'avìanu cummattuti n Sicilia, lu paisi fu sempri unu dî primi c'arrispunnìu a la chiamata.

Ntra lu sec. XVIII e XIX, la nova burghisìa agrària cci duna n'arrisbigghiata a l'ecunumìa. Ntô mentri di lu XVIII sèculu, Cunigghiuni canusci nu pirìudu di gravi crisi ecunòmica e pruduttiva, ca porta a l'emigrazzioni di massa agghiri la Mèrica e lu nord Auropa.

Purtroppu, òi la sò fama è lijata â mafia pi curpa di nu nicu gruppu di pirsuna ca arrivaru a èssiri li capi di ss'urganizzazzioni criminali: curliunisi è Birnardu Provinzanu, arristatu ntô 2006, comu puru curliunisi è Totò Riina, àutra pirsunalitati di rilievu dâ mafia muderna, òi n càrciri.

Storia

Lijami di fora

Noti

Wikiwand - on