Giorgiu Maniaci

Giorgiu Maniaci (998-1043), ginirali bizzantinu.

Li surdati di Giorgio Maniaci â cunquista di Edessa.

Libbirau na prima vôta la costa urientali dâ Sicilia di l'àrabbi (1035-1038). Pi cilibbrari la vittoria, Maniaci funnau ntô 1038 na cità chi porta lu sò nomu. A Sarausa s'attrova na furtizza, funnata di Maniaci ntô stissu annu 1038, e trasfurmata ntô 1239 di Fidiricu II di Hohenstaufen, chi porta lu nomu di Castello Maniace.

Accusatu di tradimentu, partìu pi Costantinòpuli, ma murìu prima di putìrisi difènniri. L'àrabbi si ripigghiaru li tirritori cunquistati di Maniaci, e la Sicilia fu poi libbirata dî nurmanni tra lu 1060 e lu 1091.