Giufà

Giufà è lu prutagunista di certi cunti pupulari siciliani. Sanu sanu di caràttiri, vivi ogni jornu comu cci mmatti, pigghiannu la jurnata comu veni.

Nasreddin Hodja, d'unni veni u pirsunaggiu di Giufà

Pirsunaggiu

Tanticchia babbu, nni cummina di tutti li culura, ma quasi sempri ci finisci bona, senza chi si nn'adduna, pi chistu ntâ tradizzioni siciliana si dici "Giufà, una nni penza e centu nni fa", o ancora chiamari propia "giufà" quarcunu chi è nchiappatu e cummina danni pedi pedi.

Nta certi cunti, pirò, addimostra spirtizza e gnegnu, passannu pi saviu o, addirittura, pi cunzigghieri di re e surtani.

Storia

I primi scritti anònimi di urìggini àrabba l'avemu già ntô IX sèculu. U stissu pirsunaggiu chî stissi stori, si trova nta autri tradizzioni pupulari dî pajisi dû Meditirraniu. Si chiama Djeha 'n Argiria e 'n Marroccu, Goha 'n Eggittu, Nasreddin Hodja n Turchia, resta paru paru 'n Calabbria, Giaffah 'n Sardigna, Ġaħan (Giahan) a Mauta; e ancora Giucca n Tuscana, Giucà n'Arbanìa, Turlulè n Trintinu, Noodles ntê paisi angrusàssuni.

Giufà ntâ littratura

Na trascrizzioni 'n sicilianu di sti cunti si po truvari nti Fiabe, novelle e racconti popolari sicilani di Giuseppi Pitrè. Puru Italo Calvino 'n Fiabe italiane arripigghiau certi cunti di Giufà dû libbru di Pitrè.

Pi sapìrinni cchiù 'ssai

• Na lista longa dî cunti di Giufà.
• Nu cuntu 'n sicilianu
• Artìculu scintìficu supra ê cunti tradizziunali siciliani di urìggini àrabba
• Supra a Noodles

Wikimedaglia

Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 2007

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina