Giusippina Turrisi Colonna

Giusippina Turrisi Colonna (Palermu, 2 di aprili 1822 - 17 di frivaru 1848) fu na scrittrici siciliana dû XIX sèculu.

Giusippina Turrisi Colonna.

Nasciuta di na famigghia aristocràtica e culturalmenti attiva, gghià di picciridda, mustrau nu granni talentu pi la littiratura e la puisìa, grazzi puru a l’ambienti culturali unni criscìu. Idda fu educata ‘n manera avanzata pi l’èbbica, studiannu littiratura, filusufìa e lingui straneri.

Giuseppina si appassiunau ê idiali risurgimintali e, ntô sò travagghiu littirariu, si cunziddirau na patriotta ca sustinìa l’unificazzioni taliana e la libbirazzioni dâ Sicilia dû duminiu borbonicu. La sò puisìa è carattirizzata di nu stili rumanticu, cu temi comu l’amuri pi la patria, la libbirtà e la giustizzia suciali. Tra li sò òpiri cchiù canusciuti c’è Liriche, na raccolta di puisìi pubbricata ntô 1846, unni esprimi nu senzu funnutu di appartenenza â terra siciliana e nu disideriu di riscattu suciali e puliticu.

Idda fu puru ‘n cuntattu cu àutri ntillittuali e littirati dû sò tempu, comu Francesco Paolo Perez e Micheli Amari, ca nfluinzaru lu sò pinseru e la sò scrittura. La sò puisìia, spissu, riflitti li speranze e li lutti di nu pòpulu ca luttava pi l’indipinnenza.

Murìu picciotta, a sulu 26 anni, forsi pi n'aneurisma, lassannu nu patrimoniu littirariu ca, puru siddu nun estinsu, è di granni valuri stòricu e culturali. La sò òpira resta na testimunianza mpurtanti dû ròlu dî fìmmini ntô Risurgimentu e ntâ littiratura siciliana dû XIX sèculu.