Lacu

Pi àutri significati dâ parola "lacu" taliati ccà

Nu lacu di Bariloche, Argintina.

Lu lacu di Pergusa (Enna).

Nu lacu è un riconcu naturali d'acqua, ca po èssiri duci o salata, ca s'attrova a menzu â terra. Sunnu mantinuti dî ciumi, dî surgenti, dî jazzari e dî chiuvuti. I lachi duci ànnu statu sempri na funti pi vìviri, pi arruciari e sparti pi prudùciri enirgia.

Urìggini dû nomu

La palora "lacu" veni dû latinu "lacus", ca veni ancora dâ ràdica innueuropea *lakw-, cû stissu significatu.

Tipi di lachi

Cci nni sunnu diversi tipi di lachi:

• Lachi a summu, li lachi nurmali, chiamati macari sulu lachi;
• Lachi suttirrànii o suttatirrànii;
• Lachi staciunali o staggiunali, chiḍḍi ca si jìnchinu sulu quannu chiovi forti;
• Lachi subglaciali, ca s'attrova sutta lu ghiacciu e nn'àvi suprattuttu nta l'Antartidi;
• Lachi pruglaciali, ca rèstanu ngagghiati ntê riconchi quannu la nivi e lu ghiazzu squàgghianu.

Li lachi dû munnu

Lachi di mpurtanza granni sunnu lu lacu Michigan ntâ Mèrica dû Nord, lu lacu Titicaca ntâ Mèrica dû Sud, lu lacu Tanganika nta l' Africa, lu lacu Baikal n Asia.

'N Europa avemu lu lacu Balaton (Unghiria), li lachi di l'Alpi, e vari àutri lachi cchiù nichi. 'N Sicilia lu lacu cchiù mpurtanti è lu lacu di Pergusa ntâ pruvincia di Enna; vicinu â Chiana di Catania s'attrova lu Lacu di Lintini.

Nu lacu dî Ganzirri (Missina)

Commons

Lu Wikimedia Commons havi 'na catigurìa cca conteni media su Lacu