Lingua croata
lingua slava miridiunali chi si parra ntâ Cruazzia From Wikipedia, the free encyclopedia
Remove ads
Lu croatu (ntô croatu: "hrvatski" o "hrvatski jezik" pi "lingua croata") è na lingua dû suttagruppu slavu miridiunali dû ramu slavu dî lingui indoeuropei.
E' parrata di circa 5 o 6 miliuna di pirsuni comu lingua matri. Ntâ Croazzia, unni è lingua ufficiali, n occasiuni dû rifirendum dû 2001 4.265.081 pirsuni (lu 96,12% di l'abbitanti) dichiararu di parrari lu croatu comu lingua matri.
La lingua standard croata si basa supra lu dialettu štokavo cu nflussi kajkavi e čakavi e utilizza l'alfabbetu latinu.
Funnamintalmenti è uguali ô serbu e ô busnìacu ntâ lingua standard, siccomu tutti tri si svilupparu suprâ basi Neoštokava. Nta l'ex-Juguslavia foru tutti tri raggruppati ntâ lingua serbo-croata. Ntâ Croazzia chista dinuminazzioni fu usata raramenti. Siddu a l'èbbica dâ Juguslavia s'appi a cunsidirari la vicinanza cû serbu pi difiniri lu croatu, rigularmenti l'esprissiuni onnivalenti e prisenti nzinu ô 1974 ntâ custituzzioni croata utilizzata fu "lingua croata o serba". La dinuminazzioni "serbocroatu" ("srpskohrvatski") appi già di tempu na cunnutazzioni nigativa ntâ Croazzia.
Dâ ndipinnenza pulìtica dâ Croazzia la lingua standard croata vinni ampiamenti arricanusciuta macari a l'èstiru.
La scienza ca si òccupa dâ lingua croata è la cruatìstica.
Remove ads
Alfabbetu e prununcia
La lingua si scrivi cu l'alfabbetu latinu cu l'aggiunta di segni diacritici particulari.
L'alfabbeto croatu havi 32 littri:
a, b, c, č, ć, d, dž, đ, e, f, g, h, i, ie, j, k, l, lj, m, n,, nj, o, p, r, ŕ, s, š, t, u, v, z, ž.
Li littri q, w, x, y cumpàiunu sulu ntê palori furasteri. Li digrammi dž, lj e nj, i+e= ie, r+r=ŕ s'hannu a cunsidirari comu littri sìnguli ntô sô rispittivu òrdini alfabbèticu. Esisti sulu un nùmmaru assai vàsciu di palori ntê quari chisti gruppi carattirìzzanu dui soni diversi e s'hannu quinni a èssiri trattati comu dui littri diversi.
Li segni spiciali ponnu èssiri cumpilati chî siquenti caràttiri (Attinzioni: lu Đ è diversu dû Ð islandisi):
Č: Č č: č Ć: Ć ć: ć Đ: Đ đ: đ Š: Š š: š Ž: Ž ž: ž
La maggior parti dî littri si prunùncianu tali e quari comu ntô sicilianu.
Remove ads
Grammàtica
Lu croatu havi setti casi: sparti ô Numinativu, Ginitivu, Dativu e Accusativu cci sunnu macari: lu Vucativu, lu Strumintali e lu lucativu.
Autri pruggetti
Wikipedia hava n'edizzioni 'n lingua croata
Wikiwand - on
Seamless Wikipedia browsing. On steroids.
Remove ads