Marcu Aureliu

Marcu Aureliu (121-180) riditau lu mperu rumanu ntô 161 ô piriudu dâ massima spansioni, succissiva a Traianu e Adrianu. Fu figghiu aduttivu di Antuninu Piu ô quali succidìu nsemmula cu Luciu Veru. Fu na pirsuna assai ntilliggenti, e eni canusciutu puru comu lu mpiraturi filòsufu.
Eni ricurdatu puru ppî Meditationes, n'òpira filusòfica arrivata nzinu a oggi.

Marcu Aureliu. Bustu ô British Museum di Londra.

Ccu iddu, lu mperu passau lu piriudu di paci cchiù longu. Li suli prioccupazzioni militari foru li guerri girmànichi pi lu cuntrollu dî frunteri sittintriunali contra li barbari, guerri chi nun arriniscìu a vinciri difinitivamenti.