Mecèzziu

Mecèzziu puru canusciutu comu Mecetius o Mezezius, fu nu nobbili armènu â curti di lu mpiraturi Custanti II a Sarausa tra lu 663 e lu 668. Fici parti dâ cungiura contra lu mpiraturi e â morti di Custanti, l'asèrcitu bizzantinu di stanza a Sarausa lu numinau mpiraturi. Cumunqui quannu la nutizzia agghicau ô figghiu di Custanti II, Custantinu IV a Custantinòpuli, l'eredi ligittimu organizzau na spidizzioni contra chiddu chi avìa usurpatu lu tronu. Mecèzziu fu ammazzatu ntô 669 e la curti fu dipurtata a Custantinòpuli, chi divinni attorna la capitali bizzantina.

Sordi cuniati a Sarausa sutta lu riggimi di Mecezziu.

Bibbliografìa

Paulus Diaconus, Historia Langobardorum. Liber V

Liami esterni

• History of the Longobards di Paulus Diaconus ntô ngrisi
• Sordu cuniatu di Mezezius