Omsk

Omsk (russu: Омск) jè na cità russa dâ Sibberia cintrali cu na popolazzioni di 1'133'900 abbitanti (ntô 2002). Jè la secunna cità dâ Sibberia doppu Novosibirsk, s'attrova vicinu ê du' ciumi Om' e Irtyš, vicinu ô cunfini cû Kazakistan.

Omsk

Nu museu a Omsk.

Jè capulocu dâ pruvincia omònima.

Bannera di Omsk

Stemma di Omsk

Unni s'attrova ntâ Russia

Giografìa e clima

Omsk s'attrova ntâ chianura dâ Sibberia occidentali, na nticchia luntanu dâ fruntera cu lu Kazakistan; nasci supa ô ciumi Irtyš, vicinu la foci dû ciumi Om' (russu Омь), ca pi chistu la cità pigghiau lu nomu.

L'Irtyš ccà jè nu tìpicu ciumi di chianura: havi assai vrazza e granni ìsuli, funna, la riva a manca (punenti) è chiana, chidda a dritta jè na picca sdirrupata. Ntô centru stòricu dâ cità su' prisenti cuddini nichi ca pirmitteru di custruiri la furtilizza; lu ntornu dâ citati è chianu. La timperatura media a jinnaru jè di -17 °C, cu assai nivi ca si sciogghi nzinu a aprili; e la minima assuluta di -45 °C. A luglio la timpiratura media è di +20 °C e la massima assuluta di +40 °C. La bassa umiditati allegghia la sensazione di jelu. La quantitati annuali di pricipitazzioni è di circa 400 mm. Nti l'ùrtimi 55 anni li temperature medie crisceru di circa 1,5 °C.