Santa Barbara

Santa Barbara è 'nâ martiri da firi 'n Cristu Signuri dâ fini dû III seculu D. C. Û postu e l'ebbìca 'n cui campò, 'ppî troppi liggendi supra di iḍḍa, non sunu chiari, ma û sô cultu è attistatu pressu î cumunità cristiani d'orienti (Egittu, Costantinopoli) e occidenti (Roma, Francia) dû VI - VII seculu e canusciu 'nâ 'ranni pupularità 'ntô mediuevu 'razie â Legenda Aurea. 'Ntê tradizzioni ortodossa e cattolica di ritu bizantinu, è unurata 'ccô titulu di megalomartiri.

Santa Barbara.

Dô patri Dioscoro o Dioscuro è rinchiusa 'ntâ 'nâ turri 'ppâ sô nutivuli biddizza. Cunvirtita ô cristianesimu, sutta û prefettu Martiniano o Marziano fu turturata 'cchiù voti 'ppi non avir abbiuratu a fidi cristiana: 'rrutulata 'ntâ panni ruvidi 'gghini di spini 'ppi strazzarici i canni, ma Cristu, 'n visioni di notti, ci cura i firiti. I carnefici quindi l'arrustunu 'ccâ vampa viva, ma û focu 'ḍḍumatu supra i sô cianchi s'astuta; comu a Sant'Aita ci tagghiunu i minni, pigghiata a mattiḍḍati 'n testa, 'nfini fatta camminari nura stradi stradi. Â fini sô patri â potta 'n cima 'nâ muntagna e ci tagghia a testa. Dioscoro 'ppî punizzioni fu fulminatu all'istanti.

Iconografìa

Turri a tri finestri; pamma dû martiriu; spada; curuna; calici e ostia; cannuni o catapulta.

Patrucinii

Patruna principali di: Paternò, Francavigghia di Sicilia, Summatinu, Trimmisteri Etneo, Villaggiu Santa Barbara o Terrapilatu frazzioni di Cartanissetta.

Patruciniu e fistiggiamenti a Castiddana Sicula, a Santa Barbara frazzioni di Nuvara di Sicilia, Santa Barbara frazzioni di Muntarbanu Elicona e autri centri.

Usi e custumi

• A Paternò, accumpagnunu â prucissioni î 9 Candelore o Cerei o Varetti di Santa Barbara.

Patruna di: artificeri, ginieri, armaioli, matematici, giologhi, viggili dû focu, guaḍḍia custera e marina militari, campanari, minaturi, artigghieri dill'esercitu, architetti, tagghiapetri, muraturi, rocciaturi, bicchini, puvvireri, contru i lampi, û focu, l'esplosioni, â morti subbitanea, i coppa d'artiggheria, vari autri.

Commons

Lu Wikimedia Commons havi 'na catigurìa cca conteni media su Santa Barbara