Storia dâ Sardigna

La storia dâ Sardigna riguarda l'abbinimenti stòrici rilativi a l'ìsula di Sardigna.

Bandiera dâ Sardigna.

Vuci principali: Sardigna.

Situata ntô Meditirràniu uccidintali, la Sardigna fu nu postu di sbarcu pupulari di l'alba dâ civiltà pi chiḍḍi ca navigavunu di nu latu dô Meditirràniu a l'autru 'n circata di matiriali primi e novi punti di vendita cummirciali.

Riccu di matiriali primi e di acqua, lu sò tirritoriu havi sempri favuritu la pupulazzioni e la stituzzioni di nzidiamenti nutèvuli Accussì, ntâ tutta la sò mill'anni di storia, l'ìsula ha pututu sfruttari sia la sò nsularità ca la sò pusizzioni stratèggica, comu postu essinziali ntâ riti di strati antichi.

Ntô patrimoniu stòricu e culturali dâ Sardigna ci sunnu abbunnanti tistimunianzi culturali ndìggini, ma macari li nfruenzi e li prisenzi dî maiuri putenzi culuniali. Rifiriènnusi ê vicissitudini storichi ca nfluenzaru l'isula, lu storicu miricanu John Day difinìu la Sardigna comu "una dê cchiù antichi dipinnenzi culuniali dô munnu"^[1].

Secunnu na tesi cuntruversa dô studiusu Giovanni Lilliu, la storia sarda fu sempri caratterizzata di chiḍḍa ca iḍḍu difinìu comu la "risistenza custanti sarda", cioè la risistenza di mill'anni cunnutta di l'isulani contra li novi mmasura; ntê pirìudi 'n cui foru nfruinzati dî maiuri putenzi culuniali, secunnu l'archiòlugu, lu tissutu di "Sardità" o "Sarditudini", oppuru lu cumplessu di usanzi, mintalitati e tradizzioni di l'ètnia sarda^[2], avissi fu prisirvatu ntê sèculi dê pupulazzioni Barbagia ca li trasmitteru nzinu ê jorna nostri.