ڪلر سيدان
From Wikipedia, the free encyclopedia
ڪلر سيدان(انگريزي: Kallar Syedan) پاڪستان جي صوبي پنجاب جي ضلعي راولپنڊي جي ھڪ ساڳي نالي سان تحصيل جو شھر ۽ صدر مقام آهي
ھن شھر جي تاريخ 1200 سال پراڻي آھي. شھر کي سکن جي دؤر ۾ ڪافي اھميت ملي. ان دؤر جا گردوارا ۽ حويليون ۽ ننڍا ڪوٽ پوري راولپنڊي ضلعي ۾ سکن جي دؤر ۾ اھميت جي شھادت ڏين ٿا .[1] اوڻويھين صدي جي ٻئي حصي ۾ ھتي کيم سنگھ بيدي محل ٺھرايو جيڪو بيدي محل سڏيو ويندو آهي.[2] پاڪستان جي قيام بعد ان محل جي عمارت ۾ ڇوڪرن جو ھاء اسڪول قائم ڪيو ويو .[3]
ھڪ روايت مطابق شھر جو نالو ڪلر سيدان ھڪ معزز شھري ڪلو شاھ جي نالي تان پيو. ٻي روايت مطابق ھتي ڪلو راء ۽ بيلا راء نالي ٻہ ڀائر ھيا جن مان ڪلو راء جي نالي تان ھن شھر جو نالو ڪلر سيدان پيو ۽ بيلا راء جي نالي تان ٻئي شھر بيول جو نالو پيو. ھڪ ٽين روايت مطابق ھتان جو جر کارو ھيو ۽ نلڪن مان کارو پاڻي نڪرندو ھو جيڪو اڄ تائين کارو آھي. زمين جي ان حالت جي ڪري علائقي کي ڪلر سڏڻ شروع ڪيو ويو ۽ شھر جو نالو ڪلر سيدان پئجي ويو.
ھتي جون اھم ذاتين ۾ ملڪ اعواڻ، قريشي، گکر، گجر، مغل، سيد ، جسيال ڪنيال راجپوت، ھاشمي راجپوت، چوڌري راجپوت شامل آهن.ھن شھر جا ڪافي ماڻھو يونائيٽيڊ ڪنگڊم ۾ رھن ٿا
ھن شھر ۾ بيدي محل، سانگني فورٽ ۽ فاروالا فورٽ گھمڻ جون جايون آھن.
ھن شھر ۾ ڪافي تعليمي ادارا آهن جن ۾ پنجاب ڪاليج ڪلر سيدان، سپر ونگس ڪاليج، گورنمينٽ ڊگري ڪاليج (ڇوڪرن لاءِ)، شاھين پبلڪ اسڪول ۽ ڪاليج، گورنمينٽ ڊگري ڪاليج (عورتن لاء)، گورنمينٽ بوائز ھاء اسڪول ڪلر سيدان، الائيڊ اسڪول، فوجي فائونڊيشن ماڊل اسڪول شامل آهن.
ھتان جي اھم شخصيتن ۾ سابق چيف آف آرمي اسٽاف، جنرل ٽڪا خان (1972–1976)، جنرل عبدالعزيز مرزا، چيف آف نيول اسٽاف ۽ سفير ۽ سپريم ڪورٽ جو سابق جج رٽائرڊ جسٽس سردار طارق مسعود شامل آهن.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
