Agllid n Tagant
From Wikipedia, the free encyclopedia
From Wikipedia, the free encyclopedia
Agllid n Tagant tga yat tanfust yura t mass Rachid Najib Sifaw s tutlayt tamaziɣt taclḥit.
Tinfusin gant timzray n zikk (s tafransist : contes légendaires) lli mmu talsn midn i tarwas ɣ graygat tasga n tmazirt. Dmin artn ttinin midn i tarwa nns d ar sisnt sgan drrit mẓẓiyn. Yili gisnt mck n tmitar d iwaliwn fulkin.
Ɣ yat tagant, ɣ llan gigan d imudar, izdeɣ yan illu igan murran iceqqan d yan ugḍiḍ igan igzi icatern. Kraygat yan gisen ar inettel mas d nettan ad igan agellid n tagant. Yan wass inna illu i uwegḍiḍ : " Sewingemɣ ɣ yat tɣarast wanna s tt iskern, nettan ar ad ig agellid... "
Iseqsa t ugḍiḍ :
Ddun ssentin asnubbec ar ttellin s waman ayelliɣen ufan yan ill..Agḍiḍ nettan issen is ad izzigiz ill d is a itteddu d ar d iffal idɣarn ganin ayyarn. Isawl ugḍiḍ : " smaqqel, llan ɣid kigan d waman, keyyin ar ad izwur a ten tsut acku keyyin ad igan ameqran ! "
Iddem illu tazellumt nes ar issa, agḍiḍ nettan issen ma isker, isekkus ɣ usklu ar d ittini : " Aywak ay illu...ayhayya nnek zdarɣ ad suɣ uggar n ɣancek nna!!! "
Illu ar issa ar daɣ issa, iɣel ukan ar issa. " Mac, yini yas ugḍiḍ,keyyin ur a tessat...Hann aman ar d aqqelayn !!! "
Illu ar ukan sul issa, mac iggummi ma isenfisil acku aman n ill ar d ukan aqqelayn, isakk iremi ur yad izdar i walu...Agḍiḍ ar itteql ayelliɣ senfln waman n ill...Tizi lliɣ a tturrayn ar ffaln idɣaren ganin ayyarn.
Agḍiḍ ar iskar is a issa, ayelliɣ kullu ddan waman, issumten umlal, iddu dar illu inna yas : " Tzerit mad ewiɣ ?! "
S tigzi nnes as iga ugḍiḍ agellid n tagant, agellid nnes n kraygat ass.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.