Gagana faʻa Sāmoa

ʻO le gagana Sāmoa ʻo le gagana moni a Sāmoa (Sāmoa i Sisifo), ʻatoa foʻi ma Amerika Sāmoa (Sāmoa i Sasaʻe).

ʻO le gagana Sāmoa e i totonu o le liʻo o ʻĀiga o gagana o Austronesia. ʻO lenā ʻāiga e aofia ai le gagana faʻatoga, faʻatokelau, faʻatuvalu, ma malagasy.

ʻO le gagana Sāmoa e faʻaaogaina e le tele o isi atunuʻu i le Pasefika. E pei ʻo aso anamua, i motu e pei o Tuvalu, Toʻelau, ma Nauru sa leai ni a latou Tusi Paʻia i a latou lava gagana. ʻO le Tusi Paʻia Sāmoa sa faʻaaogāina e nā motu lāiti mo le faiga o a latou tapuaʻiga ma a latou misasā.

ʻO le gagana Sāmoa, ʻo le lona tolu lea o gagana faʻaaogāina tele i Niu Sila. E tele nisi tagata i Niu Sila latou te iloa nai ʻupu faʻasāmoa e pei o ʻupu nei: mālō, pīsupo, povi māsima, sapasui, sole, suga, talofa, uso.

Niu Sila: I totonu o Niu Sila, e tusa ma le 47% o tagata Sāmoa e fananau i Niu Sila e mafai ona talanoa pē faʻaaogā foʻi le gagana Sāmoa. ʻO lona uiga, ʻua sili atu tagata fananau i Niu Sila ʻua leiloa faʻaaoga pē lē mafai foʻi ona talanoa i le gagana Sāmoa.

Upu Igilisi - Sāmoa

Igilisi	Gagana Sāmoa[1]
Yes	‘ioe
No	Leai
Please	Fa‘amolemole
Thank you	Fa‘afetai
Thatʻs all right	‘Ua lelei
big - small	tele - la‘itiiti
quick - slow	vave/tope - gese
early - late	vave - tuai
cheap - expensive	taugōfie - taugatā
near - far	latalata - mamao
hot - cold	vevela - malulū
full - empty	tumu - gaogao
easy - difficult	faigōfie - faigatā
heavy - light	mamafa - māma
open - shut	tatala - tapuni
right - wrong	sa‘o - sesē
old - new	tuai - fou
old - young	matua - talavou
beautiful - ugly	ʻaulelei / ʻauleaga
good - bad	lelei - leaga
better - worse	feoloolo - leaga tele
south - north	Saute - Matu
east - west	Sasaʻe - Sisifo

Numera

O numera:—

Numera	Gagana Sāmoa	Igilisi
1	tasi	one
2	lua	two
3	tolu	three
4	fa	four
5	lima	five
6	ono	six
7	fitu	seven
8	valu	eight
9	iva	nine
10	sefulu	ten
11	sefulu ma le tasi	eleven
12	sefulu ma le lua	twelve
20	luafulu or lua sefulu	twenty
30	tolugafulu or tolu sefulu	thirty
40	fagafulu or fa sefulu	forty
50	limagafulu or lima sefulu	fifty
60	onogafulu or ono sefulu	sixty
70	fitugafulu or fitu sefulu	seventy
80	valugafulu or valu sefulu	eighty
90	ivagafulu or iva sefulu	ninety
100	selau	one hundred
200	lua lau	two hundred
300	tolugalau or tolu selau	three hundred
1000	afe	one thousand
2000	lua afe	two thousand
10,000	mano or sefulu afe	ten thousand
1,000,000	miliona (loan word)	one million