Lumi Indus

Lumi Indus është lumi më i rëndësishëm i Pakistanit, më i madhi i nënkontinentit indian dhe i treti më i madh në Azi.

Lumi Indus
Darya-e-Sindh
Imazhi satelitor i basenit të lumit Indus në Pakistan dhe Kashmir (Kufijtë ndërkombëtarë mbivendosen)
Harta e pellgut të lumit Indus duke përjashtuar derdhjet e degëve në Rann të Kutch
Vendbanimet	Leh, Skardu, Dasu, Besham, Thakot, Swabi, Dera Ismail Khan, Sukkur, Hyderabad

Me origjinë në pllajën tibetiane në afërsi të liqenit Manasarovar, lumi kalon nëpër rajonin Ladakh të Kashmirit, drejt Gilgit-Baltistanit dhe vargjeve Hindu Kush dhe pastaj rrjedh në jug përgjatë gjithë Pakistanit dhe derdhet në Detin Arab në afërsi të qytetit port të Karaçit në Sind.^[1][2] Është lumi më i gjatë dhe lumi kombëtar i Pakistanit.

Lumi ka një sipërfaqe të përgjithshme kullimi që tejkalon 1 165 000 km². Rrjedha e përllogaritur vjetore e tij qëndron në rreth 243 km³, dyfishi i lumit Nil dhe tri herë më shumë se lumenjtë Tigër dhe Eufrat, duke qënë lumi i 21-të më i madh në botë në drejtim të rrjedhës vjetore.^[3] Zanskari është dega e majtë e tij në Ladakh. Në fushë, dega e tij e majtë është Panjnadi, i cili në vetvete ka pesë degë të mëdha, domethënë Chenabi, Jhelumi, Raviu, Beasi dhe Sutleji. Degët kryesore të tij në bregun e djathtë janë Shyoku, Gilgiti, Kabuli, Gomali dhe Kurrami. Duke filluar në një burim malor dhe të ushqyer me akullnajat dhe lumenjtë në Himalajë, lumi mbështet ekosistemet e pyjeve të butë, fushore dhe fshatrave të thata.