Koke Resurrección

futbollist spanjoll From Wikipedia, the free encyclopedia

Koke Resurrección
Remove ads

Jorge Resurrección Merodio, njohur zakonisht si Koke (Spanjisht [ˈkoke]; lindur më 8 janar 1992) është një futtbollistë spanjoll i cili luan me klubin spanjoll Atlético Madrid në La Liga dhe me kombëtaren spanjolle si mesfushor.

Fakte të shpejta Informacioni personal, Emri i plotë ...

Koke debutoi me Atlético Madrid në 2009 dhe që nga ajo kohë ka fituar Ligën e Europës dhe Superkupën Evropiane në 2012 dhe Copa del Rey në 2013.

Performancat e tij me klubin bërë që ai të ishte pjesë e Spanjës U–21 në triumfin e tyre në 2013 Kampionatin Europian U–21. Në atë vit ai gjithashtu bëri debutimin me kombëtaren e parë, dhe u zgjodh për të luajtur në Kupën e Botës 2014.

Remove ads

Karriera me klube

Koke ka lindur në Madrid. Ai arriti në sistemin e të rinjëve të Atlético Madrid në moshën 8 vjeçare dhe bëri debutimin e tij me skuadrën e parë më 19 shtator 2009, duke luajtur vetëm 11 minutat e fundit në humbjen 2–5 jashtë fushtë fushe kundër Barcelonës.[1] Sërisht nga stoli i rezervave, Koke luajti në ndeshjen tjetër të La Ligas, në një barazim 2–2 në shtëpi kundër Almerías.[2] Më 6 janar 2011, ai bëri edhe debutimin e tij në Copa del Rey duke zëvëndësuar Paulo Assunçao në minutën e 61të të ndeshjes kundër kundër RCD Espanyol. Ndeshja përfundoi në barazim 1–1 por Atlético u kualifikua në raundin tjetër falë fitores së arritur në ndeshjen e parë me rezultatin 1–0.[3]

Më 3 shkurt 2011, ai rinovoi kontratën e tij me klubin deri në 2016.[4] Koke shënoi golin e parë me Atléticon kundër Seviljes më 26 shkurt 2011, ai e shënoi golin në minutën e 47të pas një krosi të Diego Forlán duke e barazuar rezultatin përkohësisht 1–1, në fund ndeshja u mbyll në barazimin 2–2.[5] Ai e përfundoi sezonin e tij të parë të plotë si profesionist me 17 ndeshje, me Colchoneros që e përfunduan ligën në vendin e shtatë duke u kualifikuar për në Ligën e Evropës.

Koke ishte sërisht një mesfushor i rëndësishëm i Atléticos për sezonin 2011–12, nën urdhërat e trajnerit Gregorio Manzano dhe pasuesit të tij Diego Simeone. Ai bëri debutimin e tij europian më 25 gusht në ndeshjen e dytë të raundit të katërt të Ligës së Europës. Ai hyri në fushën e lojës në minutën e 67të të ndeshjes kundër Vitórias në vend të Mario Suárez. Ndeshje përfundoi me fitoren e Atléticos 4–0 duke i siguruar atyre kualifikimin për në fazën e grupeve të Ligës së Europës. Koke shënoi golin e parë të sezonit më 29 prill 2012 në barazimin 2–2 kundër Real Betis, ai shënoi golin e parë të skuadrës së tij në minutën e 62.[6] Më 9 maj 2012, Koke hyri në fushën e lojës në minutën e 90të në finalen e Ligës së Europës kundër Athletic Bilbao që përfundoi me fitoren e Colchoneros 3–0,[7] ky ishte trofeu i parë europian për Koken dhe Liga e parë e Europës për Atlético Madrid.

Vetëm 20 vjeç, Koke gjatë sezonit 2012–13 luajti si titullar në 38 nga 48 paraqitjet zyrtare që luajti në atë sezon – kjo përfshin plot 112 minuta të luajtura në finalen e Copa del Rey kundër Real Madrid në Santiago Bernabeu që përfundoi me fitoren e Atlético Madrid me rezultatin 1–2,[8] kjo ishte fitorja e tyre e parë kundër Realit pas plot 14 vitesh.

Ai shënoi golin e parë të sezonit më 1 shtator 2013, duke kontribuar në fitoren 2–1 kundër Real Sociedad.[9] Dy ditë më vonë Koke rinovoi kontratën e tij deri në 2018.[10] Performancat e tij në tetor bënë që ai të shpallej La Liga Lojtari i Muajit, kurse trajneri i tij Diego Simeone u shpall Trajneri i Muajit.[11] Më 3 mars 2014, ai shënoi në barazimin 2–2 kundër Real Madrid në Derbi madrileño.[12]

Më 8 prill 2014, Koke shënoi golin e shtatë të sezonit, duke shënuar golin e vetëm në fitoren 1–0 kundër Barcelonës në ndeshjen e kthimit të çerek–finales së Ligës së Kampioneve duke i dërguar Colchoneros për herë të parë pas 40 vitesh në një gjysmë–finale të Ligës së Kampioneve.[13][14]

Më 25 qershor 2014, Koke nënshkroi kontratë të re për pesë vite tjera për Altético. Ai u bë Lojtari i Ndeshjes në ndeshjen e grupit të Ligës së Kampionëve në Malmö FF më 4 nëntor. Në një penallti kundër Bayer 04 Leverkusen për raundin e 16-të të Ligës së Kampionëve, më 18 mars të vitit të ardhshëm, por goditja e tij u shpëtua nga Bernd Leno, por ekipi i tij megjithatë përparoi.[15]

Më 23 tetor 2016, Koke u largua nga ndeshja për herë të parë në karrierën e tij, për dy karta të verdhë në humbjen 0-1 në Sevilla.[16] Vetëm dy muaj pasi bëri 26 vjet, ai hyri në top 10 paraqitësit më të lartë të paraqitjes në historinë e Atléti kundër Deportivo de La Coruña më 1 prill 2018.[17]

Remove ads

Karriera ndërkombëtare

Koke ka luajtur me shumë skuadra moshash të Spanjës. Me kombëtaren U–17 në 2009 Kupën e Botës U–17 u renditën në vendin e tretë pasi fituan finalen e vogël me rezultatin 1–0 kundër Kolumbisë.

Më 29 qershor 2011, ai luajti me kombëtaren U–20 në 2011 Kupën e Botës U–20 që u zhvillua në Kolumbi ku Spanja u eleminua në çerek–finale nga Brazili nga gjuajtjet e penalltive.[18] Koke shënoi golin e tij të vetëm në atë turnament në fitoren 4–1 jashtë fushe kundër Kosta Rikës në ndeshjen e parëtë grupit C.

Koke ishte pjestar i Spanjës në 2012 Lojërat Olimpike që u zhvilluan në Londër, me Spanjën që u eleminua që në fazën e grupeve pa marrë asnjë fitore.[19] Megjithatë, Koke luajti në të tre ndeshjet.

Ai bëri debutimin e tij me kombëtaren e parë më 14 gusht 2013, pasi hyri në fushë në vend të Santi Cazorlës në 12 minutat e fundit të ndeshjes që përfundoi me fitoren 2–0 kundër Ekuadorit.[20] Më 6 shtator, Koke luajti plotë 90 minuta në ndeshjen kualifikuese të Kampionatit Botëror 2014 kundër Finlandës e cila përfundoi me fitore 2-0.

Koke u zgjodh nga trajneri Julen Lopetegui për Kampionatin Botëror 2018 në Rusi.[21] Më 1 korrik, ai ishte një nga dy lojtarët spanjoll që humbi gjuatjen e tij në raundin e 16-të kundër Rusisë në ndeshjen ku Spanja humbi 3-4.[22]

Remove ads

Statistiakt

Redaktuar më 10 prill 2014[23]

Më shumë informacion Klubi, Sezoni ...

Trofe

Klubi

Atlético Madrid

Kombëtarja

Spanja U–21
  • UEFA Kampionati Europian U–21 e Futbollit: 2013
Spanja U–17
  • FIFA U–17 Kupa e Botës: Vendi i tretë 2009

Personale

Referime

Lidhje të jashtme

Loading related searches...

Wikiwand - on

Seamless Wikipedia browsing. On steroids.

Remove ads
Remove ads