Ndrek Shkjezi

Ndrek Shkjezi (Shkodër, 4 qershor 1922 - 11 korrik 1998) ka qenë ndër bashkëthemeluesit e Teatrit të Shtetit (më pas Popullit) dhe aktor i teatrit dhe kinematografisë shqiptare. Për meritat e tij artistike Ndrekë Shkjezi është vlerësuar me Urdhrin “Naim Frashëri”, dhe në vitin 1989 me titullin “Artist i Merituar”.^[1]

Biografia

Pas mbarimit të shkollës shtatëvjeçare do të fillonte të luante në kitarë apo të këndonte në një orkestrinë të vogël. Më vonë do të interpretonte dhe role të vogla në trupa teatrale joprofesioniste. Largohet nga Shkodra menjëherë pas mbarimit të luftës dhe në vitin 1945 së bashku me artistët Naim Frashëri, Kadri Roshi dhe Mihal Popin do të themelonte Teatrin e Shtetit, që më vonë do të quhej Teatri Popullor (sot Teatri kombëtar). Në kohën e shërbimit të detyrueshëm ushtarak punon në Ansamblin e Ushtrisë . Në teatër ka luajtur rreth 100 role. Kështu mund të përmendim: “Cuca e maleve” e Loni Papës, “Deputeti”, “Fytyra e dytë”, “Halili dhe Hajria” e Kolë Jakovës, “Hamleti” i Shekspirit, “Gjenerali i ushtrisë së vdekur” e Pirro Manit, “Gjido” etj.

Në kinematografi ka luajtur në më se 30 role të ndryshëm. Kështu, mund të përmendim rolin e tij të parë, atë të Jakobinit në filmin “Skënderbeu”, që do të jetë edhe filmi i parë Kinostudios “Shqipëria e re”, në bashkëpunim me Kinostudion Ruse “Mosfilm”. Më tej do të vazhdonin rolet e tij në filmat “Debatik” në vitin 1961, “Plagë të vjetra” në vitin 1969, “Gjenerali i ushtrisë së vdekur” në vitin 1978, në vitin 1978 në filmin “Radiostacioni”, në filmin televiziv “Kur hidheshin themelet” në vitin 1984, në vitin 1986 “Kur vjen një ditë” etj. Megjithëse del në pension, vazhdon interpretimin në filma të ndryshëm, si “Rikonstruksioni”, “Këmishët me dyllë”. Ndahet nga jeta në vitin 2000.

Kinematografia

Në kinematografi, Ndreka ka luajtur mbi 30 role të ndryshme. ^[2]

Viti	Filmi	Roli
1990	Fletë të bardha	Xhaxhai i Kristinës
1990	Një djalë dhe një vajzë	Gjyshi i Artanit
1988	Bregu i ashpër
1988	Tre vetë kapërcejnë malin	Një nga fshatarët
1987	Këmishët me dyllë	Hanxhiu
1986	Bardhësi	Gjyshi i gruas shtatëzënë
1986	Dhe vjen një ditë	Nikolla, portieri i Hotelit të Beqarëve
1986	Fjalë pa fund	I apasionuari pas gjyqeve
1986	Kur hapeshin dyert e jetës	Gjin Kryebardhi
1985	Mondi dhe Diana	Peshkatari
1985	Të paftuarit	Shefi i policisë
1984	Fejesa e Blertës	Themiu, babai i Blertës
1984	Vendimi	Tregtari
1983	Apasionata	Xha Nasi, roja e institutit
1983	Fundi i një gjakmarrjeje	Alushi
1982	Rruga e lirisë	Preng Ujkani
1982	Besa e kuqe	Plaku pa shkrepëse
1981	Shoku ynë Tili	Mësuesi i gjeografisë
1981	Në prag të lirisë	Hajdar Kasimati
1980	Skëterrë '43	Zoti Kiço
1979	Ne vinim nga lufta	Nikollaqi
1979	Radiostacioni	Një nga ish pasanikët
1978	Gjenerali i ushtrisë së vdekur	Ish-oficeri
1978	Kur hidheshin themelet	Zeneli
1978	Në pyjet me dëborë ka jetë	Allaman Uka
1978	Vajzat me kordele të kuqe	Babai i Jetës
1971	Mëngjese lufte	Et'hem Beu
1969	Plagë të vjetra	Llambi
1963	Detyrë e posaçme	Mali
1961	Debatik	Tregtari
1953	Skënderbeu	Gjeto Gjokaj