Prokopis Pavllopullos

Prokopios Pavlópoulos (Greqisht: Προκόπιος Παυλόπουλος, i theksuar [proˈkopios pavˈlopulos] i lindur më 10 korrik 1950), shkurtuar zakonisht në Prokopis (Προκόπης), është Presidenti i Greqisë, në detyrë që nga viti 2015. Avokat, profesor univerzitar dhe politikan, Ministër i Brendshëm nga viti 2004 deri në vitin 2009.^[1]

Prokopis Pavlópoulos
Presidenti i Greqisë
Në detyrë 13 Mars 2015 – 13 Mars 2020
Paraprirë nga	Karolos Papulias
Ministër i Brendshëm
Në detyrë 10 Mars 2004 – 11 Shtator 2009
Paraprirë nga	Nikos Alivizatos
Pasuar nga	Giannis Ragousis
Të dhëna vetjake
U lind më	10 korrik 1950 Kalamata, Greqi
Partia politike	Demokracia e Re (Greqi)
Bashkëshortja/et	Vlassia Peltsemi
Fëmijët	2 vajza 1 djal
Arsimimi	Universiteti i Athinës Universiteti Panthéon-Assas

Më 18 shkurt 2015, Pavlopulos u zgjodh nga parlamenti helen si president i Greqisë, me 233 vota për.^[1][2]

Karriera akademike

Prokopis Pavlopoulos lindi në Kallamata^[3] djali i drejtorit të shkollës së mesme dhe mësuesit të klasikëve Vasilios Pavlopoulos, dhe u rrit në të njëjtin qytet.^[4] Pas mbarimit të shkollës në qytetin e tij, ai hyri në Shkollën e Drejtësisë në Universitetin e Athinës në vitin 1968.^[4]

Në vitin 1975, me një bursë qeveritare, ai mori DEA-n e tij nga Universiteti Panthéon-Assas i Parisit, i ndjekur nga Doktorata e tij në 1977 mbi të Drejtën Publike. Ai pastaj u kthye në Greqi për të kryer shërbimin e tij ushtarak në Ushtrinë Helene (1978-79).^[4] Ai u zgjodh ligjërues në Universitetin e Athinës në vitin 1980 dhe u promovua në Reader më 1981. Në vitin 1983 u bë asistent profesor dhe u promovua si profesor në vitin 1986. Në vitin 1989 u zgjodh profesor i plotë i drejtësisë administrative. Në vitin 1986, Pavlopulos ishte një anëtar i fakultetit në Universitetin Panthéon-Assas.^[5]