Die alfte Januoar is die alfte Dai in dän gregorioansken Kalänner, somäd blieuwe noch 354 Deege (in Skaltjiere 355) bit tou dät Eende fon't Jier tou.
381: Aþanareiks (in gotiske Skrift: 𐌰𐌸𐌰𐌽𐌰𐍂𐌴𐌹𐌺𐍃; ap düütsk bekoand as:Athanarich), die ferdrieuwene Häärsker fon dän gootisken Deelstom fon do Terwingen, kumt ätter Konstantinopel wai un wäd fon Kaiser Theodosius I. eerenfol apnuumen.
1055: Ätter dän Dood fon hieren Swoager Konstantin IX. wäd ju soogentichjierige Theodora III. foar dät twäide Moal Kaiserske fon dät Byzantienske Riek.
1158: Vladislav II. wäd toun Köönich fon Böömen wääld.
1636: In ju Slacht bie Haselünne in dän Trüütichjierigen Kriech winnt een sweedisk Regiment uur toalenmäitich uurlaine kaiserelke Troppen, uk wan die Uppermon fon do Sweeden, Dodo zu Innhausen und Knyphausen, al tou Begin fon ju Slacht tou Dood kumt.
1654: In dän Arauco-Kriech in dät Rebät, wier däälich Chile lait, kumt dät tou ju Slacht bie dän Río Bueno. As een Troppe fon sowät 900 spoanske Suldoaten touhoope mäd indioanske Hälpstroppen fon sowät 1500 Mon fersäike, uur dän Río Bueno tou kuumen, steete jo mäd sowät 3000 Mapuche-Indioanere touhoope. Do Mapuche winne ju Slacht.
1787: Wilhelm Herschel äntdäkt do bee grootste Mounen fon dän Planet Uranus, do leeter fon sin Suun John Herschel do Noomen Oberon un Titania kriege.
1827: Ju Stääd Bremen koopet fon dät Köönichriek Hannover Lound noudelk fon ju Geeste-Mundenge, uum junner in do Foulgejiere aan Seehoawen uun ju Stääd Bremerhoawen tou bauen.
1954: Bie Lawinen in' aastriekiske Buundeslound Vorarlberg rakt dät aaltouhoope 135 Doode, besunners läip is ju Katastrophe in ju Meente Blons in't Groote Walserdoal.
1964: In dän sonaamden Flaagenstried twiske Panama un do Fereende Stoaten fon Amerikoa, aan Twist uur ju Hoohaid uur ju Zone uum dän Panama-Kanoal tou, kumt ap Bidde fon Panama in ju Noacht tou dän 11. Januoar die UNO-Seekerhaids-Räid foar een Sunnersittenge touhoope. Man die Seekerhaidsräid beslut ätter kuute Beräidenge, dät hie noch outäiwe wol, wo do Fermiddelengen fon ju Organisatsjoon fon Amerikoanske Stoaten (OAS) uutgunge.
2002: Do eerste Fangene uut dän Afghanistan-Kriech, fangene Taliban un fermoudelke Liede fon Al-Qaida, kuume ätter dät US-amerikoanske Internierengs-Leeger Camp-X-Ray in ju Guantanamo Bay wai. Uumdät die Foargong foulkegjuchtelk un moanskengjuchtelk nit in Oardenge is, rakt dät internasjonoale Protäste.
630: Muslime unner ju Fierenge fon Mohammed, dän jo as Prophet fereerje, ärooberje Mekka. Man deer wäd een heele Riege ferskeedene Doaten ounroat, buppedät is uunseeker, wäkken Kalänner domoals in Mekka bruukt wuude, sodät bie ju Uumereekenge in uus Kalänner noch moor ferskeedene Muugelkhaiden äntstounde. Düt hier is bloot een muugelk Doatum fon moorere in do Jiere 629 bit 630.
347: Theodosius I., roomsken Kaiser
844: Abdallah fon Córdoba, soogenden Emir fon Córdoba
1395: Michelle de Valois, Härtsoginne fon Burgund
1464: Wichmann Kruse, düütsken Jurist, roomsk-kathoolsken Theologe un Juunstrieder juun ju Reformatsjoon
1638: Nicolaus Steno, deensken roomsk-kathoolsken Biskop un Natuurfoarsker
1650: Diana Glauber, niederloundske Moalerske in ju Gouldene Tied
1699: Christian Gottlieb Kluge (die Allere), düütsken evangelisken Theologe
1760: Oliver Wolcott jr., US-amerikoansken Politiker
1793: Johanna Stegen, bekoand wuuden as "Häldenwucht fon Lüneburg" uumdät ju in 1813 Suldoaten in dän Kamp juun napoleoonske Troppen Patronen broacht häd.
1803: Giovanni Antonio Farina, italieensken roomsk-kathoolsken Biskop
1805: Johann Nepomuk Geiger, aastriekisken Moaler un Teekner
1810: Johann Ludwig Krapf, düütsken evangelisken Missionoar, Äntdäkker, Sproak-Foarsker un Afrikoa-Foarsker
1819: Karl Klein, düütsken roomsk-kathoolsken Biskop
1977: Anni Friesinger-Postma, düütske Sköäwelerske
1980: Christian Wetklo, düütsken Foutbaal-Spieler (in'e Doore)
529: Theodosios die Koinobiarch, Eensiedeler-Mönk in Palästina, uurspröängelk uut Kappadokien (däälich in ju Turkäi)
705: Poapst Jan VI. (of "Johannes VI.")
1096: Adelheid II., Äbtissine fon Gandersheim
1148: Anselm de Craon, Benediktiner-Abt, apostoolsken Nuntius in Änglound, leeter "wäälden Biskop" fon London, man sunner aal do Wäien, do me gewöönelk as Biskop bruukt.
1141: Gebhard von Urach, Füürst-Biskop fon Straßburg
1268: Beneset d'Alinhan (okzitoansken Noome; uk wäil frantsöösk Benôit d'Alignan, Latiensk Benedictus de Alignano, of ap Seeltersk uursät Benedikt fon Alinhan), Biskop fon Marselha (okzitoansken Noome, frantsöösk: Marseille)
1344: Thomas Charlton, ängelsken Biskop
1372: Eleanor of Lancaster, ängelske Oadelige
1451: Wilhelm (III.) von Raron, Füürst-Biskop fon Sitten
1604: Johann Adam von Bicken, Äärtsbiskop un Kuurfüürst fon Mainz
1636: Dodo zu Innhausen und Knyphausen, aastfräisken Fäildheer in sweediske Tjoonste in dän Trüütichjierigen Kriech
1716: Marfa Matwejewna Apraxina, Zoarinne fon Ruslound
1827: Anna Vittoria Dolara, italieenske Nunne un Miniatuur-Moalerske
twiske 140 un 142, touminst is sin Fierdai ap dän 11. Januoar: Hyginus, Biskop fon Room (dät sälge Boantje wäd leeter as "Poapst" beteekend, man noch nit tou sien Tied);
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.