Roowdierte

Do Roowdierte (Carnivora, dt. Raubtiere) sunt ne Oardenge fon do Suugedierte (Mammalia).

Roowdierte
Do Moddere heere ook tou do Roowdierte. Hier is, as Biespiel foar dän Modder-Sleek Mustela, ju Oard Mustela lutreola, ju gans säilden is.
Systematik
Buppeklasse: Keeuwebäkke (Gnathostomata) Klasse: Suugedierte (Mammalia) Unnerklasse: Eutheria (normoale Suugedierte) Uuroardenge: Laurasiatheria Oardenge: Roowdierte (Carnivora)

Systematik

Ätter dät Bouk Walkers Mammals of the World rakt dät 8 rezente Familien, 97 rezente Sleeke un 246 rezente Oarde in disse Oardenge, man disse Wälle tält do Rubben nit tou do Roowdierte. Moonige Wällen as Mammal Species of the World af Animal Diversity Web tälle do Rubben tou do Roowdierte bietou, man nit as eenhaidelk Taxon, sunnern aal trjo Rubbenfamilien as eenpelde Familien binne ju Unneroardenge fon do Huundeoardige (Caniformia). Ne uur Wälle, dät Informationszentrum Chemie Biologie Pharmazie in Zürich kwäd, dät do Rubben innerdoat n Roowdierte-Taxon sunt, man buute do Huundeoardige.

Systematik ätter Walker's Mammals of the World

• Oardenge: Roowdierte (Carnivora)
  • Familie: Huunde-Äänelke (Canidae)
  • Familie: Boare (Ursidae)
  • Familie: Procyonidae
  • Familie: Moddere (Mustelidae) (Walkers Mammals of the World leeuwt ook, dät do Stjunkdierte tou do Moddere heere)
  • Familie: Viverridae
  • Familie: Herpestidae
  • Familie: Hyaenidae
  • Familie: Katte (Felidae af Feloidea)

Systematik ätter Mammal Species of the World

• Oardenge: Roowdierte (Carnivora)
  • Unneroardenge: Katte-Oardige (Feliformia)
    • Familie: Katte (Felidae)
    • Familie: Viverridae
    • Familie: Eupleridae
    • Familie: Nandiniidae
    • Familie: Herpestidae
    • Familie: Hyaenidae
  • Unneroardenge: Huundeoardige (Caniformia)
    • Familie: Huundeäänelke (Canidae)
    • Familie: Boare(Ursidae)
    • Familie: Otariidae (Ne Rubbenfamilie)
    • Familie: Odobenidae (Ne Rubbenfamilie)
    • Familie: Phocidae (Ne Rubbenfamilie)
    • Familie: Moddere (Mustelidae)
    • Familie: Stjunkdierte (Mephitidae)
    • Familie: Procyonidae
    • Familie: Ailuridae

Systematik ätter Informationszentrum Chemie Biologie Pharmazie in Zürich

• Roowdierte (Carnivora)
  • Boare (Ursidae)
  • Huunde-Äänelke (Canidae)
  • Hyaeninae
  • Katte (Felidae)
  • Procyonidae
  • Herpestidae
  • Moddere (Mustelidae)
  • Rubben (Pinnipedia)
  • Viverridae

Wällen

Ferbiendengen ätter buuten

• Informationszentrum Chemie Biologie Pharmazie in Zürich
• Ju Internetversion fon dät Bouk Mammal Species of the World

Bouke

• Ronald M. Nowak: Walker's Mammals of the World Sixth Edition, ISBN 0-8018-5789-9