St. Lambertus (Immerath)

St. Lambertus, in dät Foulk as Immerather Dom bekoand, waas een roomsk-kathoolske Parochioal-Säärke in dät rhienske Täärp Immerath, dät toulääst as Stääddeel fon Erkelenz ferwalted wuude. Ju Säärke waas dät Bistum Aachen touoardend. Säärken-Patroon fon dän 1890 kloorstoalde näiromoanske Bauwierk waas die hillige Lambert fon Lüttich. Sänt dän 14. Moai 1985 stuude ju Säärke as Bau-Toankmoal unner Toankmoal-Skuts un wuude, uk wan dät Wierstound uut ju Befoulkenge roate, ap dän 8. Januoar 2018 tougunsten fon ju Bruunkoole-Winnenge ourieten, juust so as dät heele Täärp Immerath un masse Täärpe uumetou. St. Lambertus waas ju eensige Säärke in dän Kring Heinsberg mäd een Dubbeltouden-Fassoade.

Bielden

• 
  Ju Säärke in dät Täärp
• 
  Dät Täärp wäd al ourieten
• 
  Fernäilenge fon ju Säärke
• 
  Dät Bruunkoole-Gat