Surah An-Nas

Surat An Nas nyaéta surah pamungkas (ka-114) dina Al Qur'an. Ngaran An-nas dicokot tina kecap An-nas anu sababaraha kali disebut dina surat ieu anu hartina manusa. Surat ieu kaasup kana golongan surat makkiyah. Eusi surat nyaéta ngajurung manusa ménta panangtayungan ka Alloh tina godaan sétan boh anu asalna ti golongan manusa atawa jin.

Al Nas النَّاسِ
Informasi
Harti	Manusa
Golongan	Makkiyah Madaniyah [1]
Surah ka	114
Juz	Juz 30
Statistik
Jumlah ruku'	1 ruku'
Jumlah ayat	6 ayat

سورۃ ٱلنَّاس

Eusi jeung Tarjamah

Ayat ka	Tulisan Arab	Tarjamah basa Sunda
1.	قُلۡ أَعُوذُ بِرَبِّ ٱلنَّاسِ	Pok caritakeun (Muhammad): “Kaula neda tulung nyalindung ka Pangéran nu ngaraksa-ngariksa manusa.
2.	مَلِكِ ٱلنَّاسِ	Rajana sakabéh manusa.
3.	إِلَـٰهِ ٱلنَّاسِ	Pangéranna sakabéh manusa.
4.	مِن شَرِّ ٱلۡوَسۡوَاسِ ٱلۡخَنَّاسِ	Tina kajahatan nu ngaharéwos, nu ngadodoho.
5.	ٱلَّذِى يُوَسۡوِسُ فِى صُدُورِ ٱلنَّاسِ	Anu ngaharéwos, dina haté manusa.
6.	مِنَ ٱلۡجِنَّةِ وَٱلنَّاسِ	Ti bangsa jin jeung manusa.”