Komputer

Komputer nyaéta hiji alat atawa mesin keur nyieun itungan atawa kontrol operasi nu bisa ditémbongkeun dina watesan numeris jeung logis. Istilah "komputer" asalna tina bahasa latin nya éta "computare" nu miboga arti "cacah". Harti komputer téh parangkat éléktronik nu bisa diprogram keur narima data atah minangka input jeung ngolah sakumpulan intruksi (program) keur ngahasilkeun hasil nyaéta nu disebut output. Komputer mangrupa alat parangkat éléktronik keur manipulasi inpormasi atawa data. Alat ieu miboga kamampuhan ngajaga, nyokot, sarta ngolah data. Komputer dijieun keur ngajalankeun aplikasi sarta nyadiakeun rupa-rupa solusi maké runtuyan digit biner. Komputer ogé mangrupa dasar tina élmu téknologi informasi jeung komunikasi. Dasar tiori keur itungan maké komputer disebut élmu komputer. ^[1]

Sarupaning munara komputer pribadi.

Fungsi komputer

Komputer desktop

Komputer dekstop biasa digunakeun di kantor, imah, jeung sakola. Komputer dekstop dirancang keur diteundeun luhureun méja. Ilaharna, komputer dekstop miboga sababaraha bagian nu béda, contona wadah komputer, kibor, beubeuritan, jeung monitor.

Komputer laptop

Komputer laptop biasa disebut laptop. Laptop miboga kakuatan batré nu leuwih portabel dibanding desktop. Laptop ogé bisa dicokot sarta digunakeun di mana baé.

Komputer tablet

Komputer tablet atawa tablet nyaéta komputer genggem nu leuwih portabel dibanding laptop. Tablet miboga layar sentuh keur ngetik jeung navigasi. Contoh tina produk tablet nya éta iPad.

Server

Server nya éta komputer nu nyadiakeun inpormasi ka komputer nu séjén dina jaringan. Contona nya éta internet. Server ogé digunakeun keur neundeun sarta ngabagi data internal. ^[1]

Mangpaat komputer

Sarana komunikasi

Komputer digunakeun pikeun alat komunikasi jarak jauh. Komputer kiwari enggeus bisa ngirim sagala rupa pesen nu singget ka nu séjén. Pengguna komputer bisa ngagunakeun e-mail jeung sosial média saperti Facebook, Instagram, Twitter, jeung WhatsApp. Komputer ogé bisa nyadiakeun layanan video call jeung video conference dina aplikasi Zoom jeung Google Meet.

Ngabantuan kagiatan diajar

Komputer mangrupa alat nu bisa ngabantuan kagiatan diajar. Murid bisa néangan sagala rupa inpormasi tina Google ngaliwatan komputer.

Ngabantuan pagawéan

Dina pagawéan, komputer dipaké ku sababaraha profési saperti resepsionis, programmer, akuntan, jeung nu lianna. Komputer digunakeun pikeun ngolah data-data nu penting keur pausahaan. Ilaharna, aplikasi komputer nu digunakeun nya éta Microsoft Office, e-mail, nepi ka sistim SAP.

Paluang bisnis

Komputer bisa ngamangpaatkeun komputer keur ngawanohkeun usaha sacara online. Ilaharna, pangguna ngagunakeun situs e-commerce keur ngalakukeun bisnis.

Platform hiburan

Komputer ogé bisa dimangpaatkeun pikeun média hiburan. Pamaké bisa ngaaksés hiburan kayaning YouTube, pilem, musik, gim, jeung nu lianna. ^[2]

Bagian-bagian komputer

Hardware

Hardware nya éta parangkat keras nu miboga wangun fisik. Hardware bisa dioperasikeun sacara langsung sarta boga fungsi sabagé panghubung antara pamaké jeung sistim komputer. Hardware dibagi jadi opat bagian, nya éta input device, output device, processing device, jeung storage device.

• Input device

Input device atawa parangkat masukkan mangrupa parangkat keras nu boga fungsi keur ngasupkeun paréntah jeung data ka jero sistim komputer. Kecap lianna nya éta gerbang abus keur data nu rék diolah sistim komputer. Data nu geus asup bakal dikonvérsi jadi kodeu binary nepi bisa dibaca ku mémori utama komputer. Conto input device nya éta kibor, beubeuritan, webcam, jeung scanner.

• Processing device

Data nu geus diasupkeun ngaliwatan input device bakal diolah di bagian processing device kusabab processing device sorangan nya éta hiji parangkat nu boga peran keur ngolah data. Prosés ieu sacara spésifik dilakukeun ku Central Processing Unit (CPU) atawa nu dikenal uteuk sistim komputer. CPU boga tugas keur narima sarta ngajalankeun paréntah ka bagian software. Sababaraha komponén dina CPU nya éta prosesor, RAM, kartu VGA, hard disk, mother board, jeung cooling fan.

• Output Device

Sanggeus ngaliwatan processing device, data nu geus diolah bakal dikaluarkeun sarta ditémbongkeun ka pamaké. Datana mangrupa beunang gambar, vidéo, sarta audio (soara). Prosés ieu bakal lumangsung di bagian output device sarta bakal dikaluarkeun ngaliwatan monitor, printer, headphone, speaker, webcam jeung mikrofon.

• Storage device

Proses paneundeunan ayana tina storage device atawa parangkat paneundeunan. Storage device sorangan kabagi jadi dua jinis, nya éta internal storage jeung eksternal storage. Internal storage mangrupa bagian paneundeunan nu némpél dina CPU sarta tina hard disk jeung RAM. Sedeng eksternal storage, ngacu ka jinis paneundeunan nu bisa dilepas tur teu kaiket ku sistim hardware komputer. Paneundeunan jinis ieu praktis kusabab bisa dicokot ka mana baé. Sababaraha contoh tina eksternal storage nya éta hard disk eksternal, CD, DVD, jeung flashdisk.

Software

Software atawa parangkat lunak nya éta hiji komponén nu teu ngagabogaan wujud, alias abstrak. Parangkat jinis ieu kabagi tina program nu tugasna keur ngolah data nu geus diasupkeun ka jero hardware. Software dibagi jadi tiga bagian nu beda, nya éta: software sistim, software aplikasi, jeung software tambahan.

• Software sistem

Software sistem nyaéta parangkat lunak nu boga tugas keur ngatur komponen dina komputer sacara taliti. Komponen ieu nya éta sistim operasi (OS) saperti Windows XP, Windows 2000, Windows 7, Linux, macOS jeung nu lianna.

• Software aplikasi

Software aplikasi nya éta runtuyan program aplikasi beunang digunakeun pangguna pikeun nganggeuskeun hiji tugas tangtu. Beunang disebut yén software aplikasi mangrupa program panglengkep dina komputer anu digunakeun sabagé sarana pangolahan data. Sababarah conto tina software aplikasi, nya éta web browser (Chrome, Mozilla Firefox), Microsoft Office, game jeung réa-réa deui.

• Software tambahan

Software tambahan nya éta béréndélan program nu bisa ngajalankeun tugas-tugas husus atau tambahan sakaligus nangtayungan parangkat hardware. Contona nya éta data recovery, disk defragmenter, screensever, jeung backup.

Brainware

Istilah brainware nya éta pamaké komputer. Pamaké miboga wewenang keur ngajalankeun sareng ngaoperasikeun komputer. Lamun teu aya pamaké, komputer moal jalan sacara maksimal. Conto tina brainware sorangan nya éta programmer, sistim analis, operator, jeung administrator. ^[3]

Baca ogé

• téori komputabilitas
• lambardata komputer (Ing. computer datasheet)
• paméran komputer
• élmu komputer
• tipe komputer: desktop, notebook, desknote, Roll-away
• digital

Tumbu kaluar

• ComputerGeek forums Archived 2004-12-23 di Wayback Machine Computer programming discussion forum
• Xtreme Computing Archived 2005-01-12 di Wayback Machine Computing reviews, articles and forum
• Computer History Museum
• Pictures and information on old computers
• Definition of Computer @ Webopedia
• Guide to buying a new computer Archived 2004-12-04 di Wayback Machine
• Open Site Project - Computers Section Archived 2004-12-30 di Wayback Machine
• Computer Help
• eLook Computing Reference - computer terms and definitions
• http://dmoz.org/Computers/ Archived 2004-12-31 di Wayback Machine
• Volunteer-Answered Free Computer Help Archived 2004-12-14 di Wayback Machine

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.