Kitin

Kitin (C₈H₁₃O₅N)_n nyaéta polimér N-asetilglukosamina, hiji turunan glukosa. Ieu biopolimér téh loba dikandung dina pinding sél fungi, éksoskeleton artropoda (sabangsaning keuyeup jeung hurang) jeung serangga (sireum, nyiruan, jeung kukupu, dina radula moluska. Kitin ogé gedé mangpaatnadina widang médis jeung industri. Kitin téh zat biologis nu sarupa jeung polisakarida selulosa jeung protéin keratin. Najan keratin kaasup protéin, lain karbohidrat kawas kitin, ieu dua biomolekul téh mibanda fungsi struktural anu sarupa.

Wangun molekul kitin, némbongkeun dua unit N-asetilglukosamina nu diulang-ulang jadi ranté béta-1,4.

Pasipatan jeung fungsi biologis

Polisakarida kitin dijieun tina unit-unit N-asetilglukosamina (N-asetil-D-glukos-2-amina). Ieu unit ngabentuk beungkeut kovalén β-1,4 (sarupa jeung beungkeut antargugus glukosa nungabentuk selulosa). Kitin bisa digambarkeun salaku selulosa nu hiji gugus hidroksil dina unggal monomérna diganti ku gugus asetil amina. ku sabab di antara polimér-polimérna anu padeukeut bisa ngabentuk beungkeut hidrogén, matriks polimér kitin bisa jadi kuat.

Turaés kaluar tina éksoskéléton anu beunghar ku kitin.