Sampling

Dina pamrosésan sinyal, sampling téh nyaéta pangurangan hiji sinyal kontinyu jadi hiji sinyal diskrit. Hiji conto umum nyaéta parobahan (konvérsi) hiji gelombang sora jadi sajajaran conto (sampel) (hiji sinyal waktu diskrit).

Sampling sakedapan

Upamakeun urang ngalakukeun sampling (nyokot conto) tina hiji sinyal sambarang m(t) sakeudeung-sakeudeung dina laju anu saragem, nyaéta tiap T_s detik. Mangka urang bakal meunang sajajaran conto (sampel) m(nT_s), di mana n ngalap sakabéh harga bilangan buleud anu mungkin. Bentuk sampling idéal saperti kieu disebut instantaneous sampling atawa sampling sakedapan.

Sinyal nu disampling idéal

Sampling sinyal sacara ideal.

Lamun sinyal m(t) dina gambar pangluhurna dina gambar beulah kénca dikalikeun jeung sajajaran hijian impuls ${\displaystyle \delta _{T}(t)}$ dina gambar nu di tengah gambar beulah kénca kasebut mangka baris dihasilkeun:

${\displaystyle m_{s}(t)=m(t)\delta _{T_{s}}(t)=\sum _{-\infty }^{\infty }m(nT_{s})\delta (t-nT_{s})}$

anu digambarkeun dina gambar panghandapna. Sinyal m_s(t) ieu disebut sinyal anu disampel idéal.

Sampling praktis

Sampling natural

Sanajan sampling sakedapan mangrupakeum modél anu nyenangkeun, aya cara anu leuwih praktis pikeun nyokot sampel sinyal analog sinyal kawates m(t) nyaéta ku sirkuit saklar laju gancang. Conto sirkuit dimaksud sarta sinyal hasil samplingna bisa ditingali dina gambar di handap ieu:

Sinyal hasil sampling x_ns(t) bisa ditulis:

${\displaystyle x_{ns}(t)=m(t)x_{p}(t)}$

di mana x_p(t) nyaéta jajaran pulsa sagiopat périodik anu périodana T_s sarta masing-masing pulsa sagiopat dina x_p(t) boga rubak d jeung amplitudo 1.

Sampling rata luhur

Padika sampling anu paling basajan, praktis sarta populér bisa dilakukeun ku sirkuit blok fungsional anu dingaranan sirkuit sample-and-hold (S/H). Sirkuit kasebut sarta sinyal hasil samplingna bisa ditingali dina gambar di handap ieu:

Tempo ogé

• Téoréma sampling
• Pamrosésan sinyal