Whitney Houston

Whitney Elizabeth Houston leuwih dipikawanoh Whitney Houston(gumelar di Newark, New Jersey, Amérika Sarikat, 9 Agustus 1963 – tilar dunya 11 Februari 2012 dina umur 48 taun) nyaéta saurang panyanyi asal Amérika Sarikat. Houston pernah nikah jeung penyanyi R&B, Bobby Brown taun 1992^[1]. Tina hasil perkawinan éta ping 4 Maret 1993 lahir budak awéwé nu dingaranan Bobbi Kristina Houston Brown^[1].Tapi éta rumah tanggana pipirakan dina ping 13 Séptémber 2006^[1]. Whitney dipikawanoh salaku penyanyi, karir albumna dirilis taun 1985, ngaliwatan lagu You Give Good Love ngabalukarkeun manéhna bisa asup kana tangga lagu Billboard Hot 100^[1]. Tuluy disusul ku kasuksésan lagu Saving All My Love for You, How Will I Know jeung Greatest Love of All,anu jadi jawara di tangga lagu Amerika Serikat^[1]. Nalika taun 1980-an, Whitney pernah ngiluan audisi jang acara The Cosby Show, sanajan manéhna kaéléhkeun ku Sabrina Le Beauf^[1]. Houston ogé pernah akting dina episode Gimme a Break bareng jeung Nell Carter ogé episode Silver Spoons bareng jeung Rick Schroder,saméméh ngamimitian karirna^[1]. Taun 2009, Whitney ngaku yén manéhna geus jadi pecandu kokain dina wawancara ku Oprah Winfrey^[2]. Manéhna nyebutkeun yén manéhna jadi leuwih gelo kana kokain sabada akting dina film The Bodyguard taun 1992^[2].

Whitney Houston (2009)

Whitney Houston (2009)

Diskografi

• WHITNEY HOUSTON 1985^[1]
• WHITNEY 1987^[1]
• I'M YOUR BABY TONIGHT 1990^[1]
• MY LOVE IS YOUR LOVE 1998^[1]
• JUST WHITNEY 2002^[1]
• ONE WISH: THE HOLIDAY ALBUM 2003^[1]
• I LOOK TO YOU 2009

Filmografi

• 1992 THE BODYGUARD^[1]
• 1995 WAITING TO EXHALE^[1]
• 1996 THE PréaCHER'S WIFE^[1]