Kosovo mangrupa hiji nagara républik nu sacara de facto merdika, aya di beulah tenggara Éropa. Saméméhna, Kosovo mangrupa hiji propinsi di Sérbia dina administrasi PBB, tapi dina 17 Pébruari 2008 Kosovo ngadéklarasikeun kamerdikaan ku cara sapihak. Déklarasi ieu teu disatujuan ku Sérbia, tapi didukung ku nagara-nagara Kulon. Ibu kota Kosovo nyaéta Priština. Kamerdikaan Kosovo geus diakuan resmi ku rupa-rupa nagara, di antarana Albania, Amérika Sarikat, Britania Raya, Perancis, jeung Turki. Nagara nu nolak kamerdikaan Kosovo di antarana Républik Rahayat Cina, Rusia, jeung Sérbia.