![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/51/Microwave.750pix.jpg/640px-Microwave.750pix.jpg&w=640&q=50)
Maikrowevu
Inatumika kuoka na kupasha vyakula mbalimbali / From Wikipedia, the free encyclopedia
Maikrowevu (kutokana na Kiingereza: microwave) ni kifaa kinachopika chakula kwa kutumia vijiwimbi, yaani mawimbi mafupi ya sumakuumeme. Hutumiwa pia kupasha moto vyakula vilivyopikwa tayari.
![Thumb image](http://upload.wikimedia.org/wikipedia/commons/thumb/5/51/Microwave.750pix.jpg/640px-Microwave.750pix.jpg)
Inapasha moto haraka sana vyakula vyenye unyevu ndani yake. Maikrowevu za kawaida hufaa pia kuchemsha viwango vidogo vya maji au kiowevu kingine.
Mnururisho wa vijiwimbi husababisha mwendo wa haraka wa molekuli za maji zilizopo ndani ya chakula na mwendo huo unazalisha joto.
Maikrowevu za kawaida kwa matumizi ya nyumbani hufaa kwa kiwango cha chakula hadi gramu 500 hivi, au kwa nusu lita ya maji, vilevile kupasha moto chai au kahawa iliyopoa. Inapasha moto katika dakika chache. Kwa viwango vikubwa zaidi haifai. Faida kubwa ni kwamba chakula au kinywaji huwekwa ndani ya maikrowevu kwenye sahani au kikombe cha mezani, kwa hiyo hakuna haja ya kuchafua sufuria.