Kaunti ya Pokot Magharibi

Kaunti ya Pokot Magharibi ni mojawapo ya kaunti za Kenya zilizopo baada ya katiba mpya ya Jamhuri ya Kenya kupatikana mwaka 2010.

Kaunti ya Pokot Magharibi
Kaunti
Wanawake Wapokot wakiwa Kapenguria, Pokot Magharibi
Kaulimbiu: ""
Kaunti ya Pokot Magharibi katika Kenya
Coordinates: 01.23333°N 035.1167°E / 01.23333; 035.1167
Nchi	Kenya
Nambari	24
Ilianzishwa	March 4, 2013
Ilitanguliwa na	Mkoa wa Bonde la Ufa
Mji mkuu	Kapenguria
Miji mingine
Serikali
Gavana	Prof. John Krop Lonyangapuo
Naibu wa Gavana	Dkt. Nicholas Owon Atudonyang
Seneta	Samuel Losuron Poghisio
Mwakilishi wa wanawake	Lilian Tomitom
Bunge	Bunge la Kaunti ya West Pokot
Spika	Catherine Mukenyang
Wawakilishi Wadi	20
Maeneo bunge	4
Eneo
Jumla	km2 9 123.2 (sq mi 3 522.5)
Idadi ya Watu
Jumla	621,241
Msongamano	68 /km²
Majira ya Saa	Saa za Afrika Mashariki (UTC+3)
Tovuti http://westpokot.go.ke

Wakati wa sensa ya mwaka 2019 wakazi walikuwa 621,241 katika eneo la km2 9,123.2, msongamano ukiwa hivyo wa watu 68 kwa kilometa mraba^[1]..

Makao makuu yako Kapenguria.

Inajulikana kwa kuwa na bwawa la uzalishaji umeme la pekee lililo kaskazini mwa Bonde la Ufa liitwalo Turkwell. Pia, Makumbusho ya Kapenguria yapo katika kaunti hii, ambapo wapigania uhuru sita walikamatwa na kufungwa jela na serikali ya kikoloni wakati wa hali ya hatari mwaka 1952.

Jiografia

Kaunti ya Pokot Magharibi ina eneo la ukubwa wa km² 9 169.4 (sq mi 3 540.3). Imepakana na Uganda (magharibi), Turkana (kaskazini), Trans Nzoia na Elgeyo Marakwet (kusini) na Baringo (kusini mashariki).

Kaunti hii ina tabianchi kavu na nusu kavu. Kiwango cha mvua ni kati ya mm 400 hadi mm 1500 kila mwaka. Halijoto huwa kati ya 10 °C na 30 °C^[2].

Maeneo bunge

Kaunti ya Pokot Magharibi ina maeneo bunge yafuatayo^[3]:

Eneo bunge	Kata
Kapenguria	Riwo, Kapenguria, Mnagei, Siyoi, Endugh, Sook
Sigor	Sekerr, Masool, Lomut, Weiwei
Kacheliba	Suam, Kodich, Kasei, Kapchok, Kiwawa, Alale
Pokot South	Chepareria, Batei, Lelan, Tapach

Demografia

Idadi ya wakazi katika kaunti ndogo (2019) ^[4]

• Kipkomo 102,633
• Pokot Central 119,016
• Pokot North 134,485
• Pokot South 80,661
• West Pokot 184,446

Tazama pia

• Orodha ya mito ya kaunti ya West Pokot
• Wilaya ya Pokot Magharibi